UN ANO DE EXTRAESCOLARES

GRADUACIÓN, 2026

GALERÍA

 

FESTIVAL E ENTREGA DE PREMIOS, 2026

GALERÍA

OS NOSOS GRADUADOS

 

NO PENÚLTIMO DÍA...

 

PREMIADOS, TRABALLOS MATEMÁTICAS

2º ESO A

2º ESO C

1º ESO A

2º ESO B

FIN DE CURSO

BANDA DESEÑADA

Nos clubs de lectura de 1º, transforman A velliña Vella, de Risco, nunha banda deseñada.

PREMIO AOS MÁIS LECTORES

 

O CORO, POR VIGO

Os alumnos de coro tiveron unha xornada de relax, na praia de Samil. Tamén visitaron o Museo do mar e participaron nun xogo de pistas.

As pilas cargadas para acabar o curso!

GALERÍA

SON DA ESO. E TI DE QUEN VÉS SENDO (IX)?

FIADEIRO, 2026

Hoxe celebramos o Día das Letras Galegas da man de Xisco Feijóo, nunha xornada chea de música, ritmo e tradición.

Fixemos percusión e tamén tivemos tempo para bailar e gozar das nosas raíces dunha maneira divertida e participativa.

GALERÍA

OS DO CLUB DE EXCURSIÓN

Os alumnos do club de lectura fixeron o fin de festa no Fornelos Wake CLub, con actividades de aventura. A pesar de que o día estivo frío, as ganas de pasalo ben e de compartir unha xornada diferente puideron máis que as baixas temperaturas.

GALERÍA

LETRAS GALEGAS, 2026

Na biblioteca celebramos o Día das Letras Galegas cun divertido rosco creado polo alumnado, con moito entusiasmo e creatividade.

Estades preparados?

AS LETRAS EN MÚSICA

Anunciamos as Letras cun saúdo musical do alumnado de 3°C que, "entre pitos e frautas" interpreta O son do ar.

OS DE 2º EN CELANOVA

Hoxe, o alumnado de 2º da ESO, acompañado polos profesores Diego, Lorena e Ruta, visitou Vilanova dos Infantes e Castro Mao, e asistiu a un concerto didáctico de órgano no mosteiro de San Salvador de Celanova.

Durante a visita, tiveron tamén a oportunidade de cantar e vivir unha experiencia moi especial; os alumnos Lúa, Pablo e Gabriel cumpriron un soño ao poder tocar o órgano.

 

LETRAS GALEGAS, 2026

UNIDOS POR UN FUTURO MÁIS VERDE

A chuvia non foi convidada, pero tampouco estragou nada. O alumnado do IES de Ribadavia e do CPI da Cañiza chegou a Melón cunha axenda cargada e saíu de alí coa cabeza chea de imaxes, de conversas e desa satisfacción rara que dá facer algo que vale a pena.

A excursión arrancou cunha camiñata polos montes de Quins, onde o rastro do incendio do verán pasado aínda está moi presente. Hectáreas de árbores calcinadas que o alumnado captou coas súas cámaras para o documental audiovisual que están a elaborar conxuntamente sobre os incendios forestais na contorna.

Un dos momentos máis valorados da xornada foi a entrevista cos axentes forestais da zona, que lles explicaron de primeira man as causas, as consecuencias e os traballos de recuperación en marcha. Material de primeiro nivel para o documental.

O alumnado tamén arremangou e puxo mans á obra: plantaron árbores na zona afectada, leron un manifesto en defensa dos bosques e fixeron entrega dunha placa ao alcalde de Melón como recoñecemento ao traballo de recuperación do municipio. Outro dos traballos preparados foi a construción e colocación dunha casiña para paxariños, contribuíndo á recuperación da fauna local nunha zona onde o equilibrio ecolóxico quedou alterado polo lume.

Finalmente, despois dun bo xantar para repor forzas, a xornada tivo un remate diferente: varias alumnas convertéronse en guías e lideraron unha visita ao mosteiro de Melón, explicando a orixe, a estrutura e as partes dunha das construcións románicas máis importantes de Galicia.

VISITA 6º, 2026

O futuro alumnado de 1º da ESO (de Arbo, Valeixe, Crecente e Caniza) vén de visita e aproveitaremos a xornada para que nos coñeza.

Convertiremos en guías aos antigos compañeiros e levarán un pequeniño agasallo que preparamos especialmente para eles.

Agardámosvos!!!

EN DEFENSA DO NOSO

Creados polo alumnado de 1º da ESO, con Jessica (Lingua Galega)

POLVORÍN!

Na fase de ascenso do BM Cañiza feminino, nace Polvorín; un himno creado por Loucost para estas rapazas que están a facer historia na pista.

E para nós esta estrea é dobremente especial. Detrás do texto de "Polvorín" está Darío, un dos nosos profes de galego.

Dende aquí queremos convidarvos a todos a darlle ao play, a aprender a letra e, sobre todo, a berrala ben forte para que as nosas xogadoras sintan o alento de toda A Cañiza nesa fase de ascenso.

ENCONTROS LITERARIOS

Hoxe visitounos a escritora Lola Gil e compartiu connosco unha xornada moi inspiradora.

Grazas pola túa visita, Lola. Foi un pracer!

DÍA DO LIBRO, 2026

Aínda que con certo retraso, aquí temos algunha produción do alumnado de 4º, en Lingua Castelá, para esta data. A tarefa consistía en construír unha historia cos títulos dos libros.

AINHOA DE AMORIN, 4C

ARIADNE RODRÍGUEZ, 4C

LUCÍA PEREIRA, MARÍA GIRÁLDEZ, 4A

MIREYA SALAZAR, 4A

DÍA DAS LETRAS GALEGAS, 2026

A Real Academia Galega acordou dedicar o Día das Letras Galegas 2026 a Begoña Caamaño.

Conxuntamente, Dinamización Lingüística e Biblioteca ofrecen algunhas maneiras de achegarse á súa figura:

• Primavera das letras.
• Seminario Galán.
• O portal da lingua galega. Recolle numerosas actividades dinamizadoras dos centros.
• Portal das palabras.
• Consello da cultura galega.
• As Letras en Datos e Datas.

ENCONTROS LITERARIOS

LOLA GIL NO CPI DA CAÑIZA de MEPP

CELANOVA, 2026

Organizada polo Departamento de Lingua Galega, o alumnado de 4º de ESO realizou hoxe unha saída cultural a Celanova.

Durante a xornada, visitaron o mosteiro de San Miguel, a biblioteca do instituto, a Casa dos Poetas e o núcleo de Vilanova dos Infantes.

A actividade resultou moi participativa, con momentos dedicados á música e á poesía.

SON DA ESO. E TI DE QUEN VÉS SENDO (VIII)?

CASTELAO

Como nos gusta que pasado e presente dialoguen, nesta ocasión Castelao loce a camiseta do Balonmán Cañiza. Colocarémolo, ademais, xunto a Rosalía vestida coas cores do Celta de Vigo.

Este xogo visual achega estas figuras á actualidade e lembra que a identidade galega segue viva, entre a cultura e a vida cotiá.

CONCURSO LETRAS GALEGAS CONCELLO, 2026

GAÑADORES ENFIANDO VERSOS IV

GAÑADORES ENFIANDO VERSOS IV, 2025-2026 de MEPP

GALERÍA

EN BREVE, VISITARANOS LOLA GIL

 

ENFIANDO VERSOS, 2026

 Aquí iredes vendo aos nosos poetas.

CLASIFICACIÓN ENFIANDO VERSOS IV, 2026

CLASIF ENFIANDO VERSOS IV 2025-2026 de MEPP

SON DA ESO. E TI DE QUEN VÉS SENDO (VII)?

DÍA DO LIBRO, 2026

Como aperitivo neste día podemos ver "Los fantásticos libros voladores del Sr. Morris Lessmore", unha curta de animación gañadora dun Oscar no 2012.

Máis recursos aquí.

BOOKFACE, 2026

Xa podemos ver algún dos traballos que entran a concurso. O xurado non o vai ter fácil.

Ollo, os profesores non concursan.

TALLER RECURSOS CREATIVOS

Hoxe houbo, para alumnado de 3º, un obradoiro de recursos creativos a través da lingua, coa profesora Alexia Dotras, quen sempre sorprende coas súas propostas.

Enfocándoxe no xogo lingüístico, o obxectivo foi explorar as posibilidades expresivas do idioma de xeito lúdico e artístico.

BECAS MEC, 2026

Copia de BECAS MEC de Marta García Guede

DÍA DAS ARTES GALEGAS, 2026

Este ano, o homenaxeado será o fotógrafo José Suárez.

José Suárez, nado en Allariz en 1902, tivo unha traxectoria marcada pola vangarda artística e polo exilio. A súa obra fotográfica, influída pola Nova Obxectividade, caracterízase por unha mirada moderna, reflexiva e centrada na figura humana, afastada do folclorismo e próxima ás correntes europeas máis innovadoras.

CAMBIO DE HORA

Esta noite non esquezades.

Este costume de atrasar o reloxo en inverno e adiantalo en verán empezouse a usar de forma xeneralizada en 1974 tras a primeira crise do petróleo. O obxectivo era poder aproveitar mellor a luz do sol e consumir menos electricidade.

O cambio supón un aforro potencial estimado de enerxía que podería alcanzar o 5%, ao redor de 300 millóns de euros, segundo estimacións do Instituto de Diversificación para o Aforro Enerxético (IDAE).

Non obstante, non todo o mundo está de acordo con este cambio de hora. A Comisión Nacional para a Racionalización dos Horarios Españois (ARHOE), insiste na importancia de non efectuar este cambio para "estar en harmonía coa luz solar".

Esta medida non só se adopta en España, senón que se leva a cabo nuns 70 países en todo o mundo; en concreto, todos os países de Europa, América do Sur, África, algunhas zonas de Estados Unidos e Canadá. É Xapón o único país industrializado que non se adaptou a esta normativa.

DESPEDIMOS O TRIMESTRE

Cun Got Talent e cun mundialito de voleibol pechamos o trimestre. Toca agora cargar baterías para comezar o último con moita gana!

DECORADO ENFIANDO VERSOS IV

Grazas, Claudia, por capitanear ao alumnado de 4º

DECORADO PARA O ENFIANDO VERSOS IV

Pedímoslle a Claudia (Plástica) un decorado para o Enfiando versos e púxose mans á obra.

Despois dos bocetos do alumnado de 4º, xa se vai vendo algo. Agora xa só queda coser!!!

Agardamos que os poetas estean á altura.

SON DA ESO. E TI DE QUEN VÉS SENDO (VI)?

DÍA DO LIBRO, 2026

BOOKFACE, DÍA DO LIBRO 2026 de MEPP

Aquí tedes exemplos de cursos anteriores.

OS NOSOS RETRATOS

Na materia de Expresión Artística de 4º da ESO, estivemos a traballar neste trimestre con volumes en pasta cerámica. Fixemos estes retratos en arxila por parellas, retratando ao noso compañeiro ou compañeira e viceversa. O reto era coñecer o material e ser capaces de elaborar un volume, debuxando no espazo, comprender as proporcións do rostro humano e acadar expresividade nun material novo para eles e elas.

GOT TALENT

27 DE MARZO, DÍA MUNDIAL DO TEATRO

 

O día 27 de marzo celébrase, dende o 1961, o Día Mundial do Teatro, por iniciativa do Instituto Internacional do Teatro (ITI).

Un dos actos máis representativos é a circulación da Mensaxe Internacional, tradicionalmente escrita por unha personalidade de prestixio. O elixido este ano é o recoñecido actor Willen Dafoe.

Algúns recursos e páxinas de interese para desenvolver o tema nas aulas:

• Teatro de hoy
• ¡Atrás hay lugar! Una escena teatral. Juan Antonio Cardete

21 MARZO, DÍA DA POESÍA

En calquera momento a lectura pode ser unha fantástica vía de escape; por iso, dende a biblioteca, recomendamos:

• La poesía en el aula. Trabajo realizado por el Grupo escuela.
• Antoloxías:

• Antología poética multimedia.
• Portal de poesía.
• Índice de poetas. 
• Son dos poetas.
• Poesía galega.
• Orella pendella, ditos, recitados e cancións infantís.

Acción Poética

15 DE MARZO, DÍA DO CONSUMO RESPONSABLE

O 15 de marzo de 1963, o presidente de EE.UU., John F. Kennedy, pronunciou un discurso ante o Congreso dese país no que se referiu aos dereitos dos consumidores. Algúns anos máis tarde, o movemento de consumidores comezou a celebrar cada 15 de marzo o Día Mundial dos Dereitos do Consumidor para aumentar a conciencia mundial sobre estes dereitos.

Podemos analizar a nosa actitude ante o consumo e a forza da publicidade despois de ver algún destes vídeos.

Spot publicitario de Dove que provocou unha resposta de Greenpeace na que denunciaban a deforestación do Sudeste de Asia para plantacións de aceite de palma.

Máis materiais en Datos e datas, Igualdade Vigo

DÍA INTERNACIONAL DAS MATES, DÍA DO NÚMERO PI

Este curso, conmemoramos o día no centro con diversas actividades:

• Proxeccións de vídeos sobre o número pi.

• Experimento con número pi.

• Outro número importante: o phi.

• Tamén aproveitamos para responder a esa pregunta constante da rapazada de "para que valen as mates?", da man do matemático e divulgador Eduardo Sáenz de Cabezón.

CEIBARIMAS, 2026

No día de hoxe, parte do alumnado de 4° da ESO puido desfrutar dun obradoiro organizado por Ceiba Rimas, o único proxecto de rap improvisado en galego. A actividade foi dirixida por Nervo, cantante principal do grupo de rap Rebeliom do Inframundo, todo un referente na escea do hip hop en galego. 

Tras unha pequena charla sobre o proxecto, o alumnado deixou voar a creatividade e animouse a realizar as súas propias creacións sobre unha base de rap.

ENFIANDO VERSOS IV, 2026

ENFIANDO VERSOS IV (A) de MEPP

CASTELAO EN 4º ESO

O alumnado de 4º, inspirandose na icónica obra Cousas da vida de Castelao, recreou estas láminas, combinando a expresión artística coa análise social e o humor retranqueiro.

8M

E o luns, tamén.