MAGOSTO, 2026

SON DA ESO - LISTOS COMA ALLOS, 1ºA vs 2ºC

 

25N

Actividade titorías

PREMIO CERVANTES, 2026

A escritora Cristina Fernández Cubas recibe o Premio Cervantes 2026, o máximo recoñecemento das letras en lingua castelá.

Nacida en Arenys de Mar (Barcelona) en 1945, é unha das grandes voces do conto contemporáneo. A súa obra destaca pola imaxinación, o misterio e a capacidade de transformar situacións cotiás en historias sorprendentes.

Entre os seus libros máis coñecidos están Mi hermana Elba, Los altillos de Brumal, El ángulo del horror, Parientes pobres del diablo, La habitación de Nona e Lo que no se ve.

Este galardón recoñece unha traxectoria literaria marcada pola orixinalidade e pola renovación do relato breve.

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Neste espazo ofrecemos elementos motivadores cos que debatir e sensibilizar e, ademais, un banco de recursos. 

É importante detectar a desigualdade para loitar contra ela; só educando en igualdade a homes e mulleres estaremos contribuíndo a reducir e eliminar a secuela da violencia de xénero.

1.- Campaña do 2025 contra a violencia vicaria, de Igualdade.

2.- "Vestida así, normal que..." recuperamos unha campaña da BBC, na que esta frase é un claro reflexo da cultura da culpa que se impón sobre as mulleres pola súa forma de vestir.

3.- "El bello Rafa Nadal", de Barbijaputa para el diario.es

Recuperamos un artigo publicado no 2016 no que a autora utiliza a forma de falar e escribir que se emprega con frecuencia para falar das mulleres deportistas.

4.- ¡Qué niña tan bonita!

Curta de Alicia Ródenas con texto de Ro de la Torre coa que se presentou á sétima edición do concurso de curtas do instituto Diego Siloé de Albacete.
Ao longo do vídeo, a moza le cen frases ás que cada muller está exposta desde a súa nenez; entre outras: "Se te ven xogar cos mozos chamaranche marimacho" ou "Non sexas tan bruta xogando, pareces un neno".

 

5.- Sexismo no deporte

"Poderías dar unha volta para nós e dicirnos algo sobre o teu vestiario?" Esta é unha de tantas preguntas que os xornalistas deportivos lles fan ás atletas e que recolle a campaña #CovertheAtlete.
Pois ben, como reaccionarían eles de seren tratados do mesmo xeito?

O vídeo aquí

6.- As nenas poden

Campaña que nos invita a todos para que a igualdade desde a infancia sexa un obxectivo prioritario.

7.- De par... en par

Trátase da campaña do SAAMA (Servizo de Apoio e Atención contra o Machismo). Cos textos de Neus Nebón  e as ilustracións de Tania Acuña, este vídeo serve como test a todas esas condutas do día a día que forman parte da pirámide machista que remata na violencia contra as mulleres.

8.- Como actuamos ante a violencia machista?

Todo o mundo rexeita, sen ningún tipo de paliativos, a violencia contra as mulleres. Pero, que acontece cando somos testemuñas en primeira persoa deste tipo de agresións?

A compañía sueca STHLM Panda decidiu comprobar a reacción da xente ante a violencia de xénero. Cunha cámara oculta instalada nun ascensor, un home ameaza e agride a súa suposta parella, ante unha testemuña.

Abonda con ver o vídeo para comprobar que, aínda que a opinión e actitude da maioría cidadá é totalmente contraria a este tipo de violencia, á hora da verdade, non se actúa en consecuencia. Só unha das 53 vítimas da cámara oculta reacciona ante a agresión.
Na biblioteca, ese día, con marcapáxinas, música, libros e audiovisuais intentaremos sensibilizar, previr ou detectar situacións de risco.

Máis alternativas de traballo aquí

SAMAÍN, 2026

Bailes, o túnel do terror, sobremesas, xogos e festa encheron a xornada de risas, emocións e diversión.

 

Descubre todo o que aconteceu na GALERÍA.

HOXE, NA BIBLIOTECA

Entre historias terroríficas, hai algunha que outra delicia!

Lecturas de medo e galletas de morrer, hoxe no recreo co préstamo!

DECORAMOS POLO SAMAÍN

Alumnado de distintos cursos, capitaneado por Elena, está transformando o centro, para celebrar o Samaín como se merece.

Avanzamos algunhas fotografías, para que vaiades entrando no ambiente. Atrevédesvos a descubrir o que se agocha no noso túnel do terror?

ENTRADE NA GALERÍA PARA VER MÁIS

SAMAÍN, EN PLÁSTICA

Con moita creatividade, o alumnado de Plástica deseñou cabezas terroríficas que enchen de misterio e imaxinación a entrada do cole.

Quen dixo medo?

SAMAÍN NAS TITORÍAS

A invitación a decorar a porta da aula tivo unha acollida de medo! Todas as titorías aceptaron o reto con creacións orixinais e arrepiantes.

Que comece a competición… e que gañe a porta máis terrorífica!

 

  

SAMAÍN EN LINGUA CASTELÁ

CAMBIO DE HORA

Esta noite non hai que esquecer...

Este costume de atrasar o reloxo en inverno e adiantalo en verán empezouse a usar de forma xeneralizada en 1974 tras a primeira crise do petróleo. O obxectivo era poder aproveitar mellor a luz do sol e consumir menos electricidade.

O cambio supón un aforro potencial estimado de enerxía que podería alcanzar o 5%, ao redor de 300 millóns de euros, segundo estimacións do Instituto de Diversificación para o Aforro Enerxético (IDAE).

Non obstante, non todo o mundo está de acordo con este cambio de hora. A Comisión Nacional para a Racionalización dos Horarios Españois (ARHOE), insiste na importancia de non efectuar este cambio para "estar en harmonía coa luz solar".

Esta medida non só se adopta en España, senón que se leva a cabo nuns 70 países en todo o mundo; en concreto, todos os países de Europa, América do Sur, África, algunhas zonas de Estados Unidos e Canadá. É Xapón o único país industrializado que non se adaptou a esta normativa.

DÍA DAS ESCRITORAS, 2026

Con este vídeo, realizado por Quelibroleo, recordamos a algunha delas.

DÍA DAS ESCRITORAS, 2026

Hoxe celebramos o Día das Escritoras. Trátase dunha iniciativa organizada por entidades varias (Biblioteca Nacional de España, FEDEPE, Asociación Clásicas e Modernas...) coa que se busca reivindicar o labor e o legado das escritoras a través da historia.

Como en edicións anteriores, a data elexida é o luns máis cercano á festividade de Teresa de Jesús, polo que a XI edición celébrase este ano o 19 de outubro baixo o lema "As amigas como forma de liberdade". Nesta 

Nesta ocasión, a celebración rende homenaxe ao centenario do Lyceum Club Feminino, unha institución fundada en Madrid en 1926 que reuniu mulleres intelectuais e creadoras comprometidas coa cultura, a educación e a igualdade.

Entre as escritoras vinculadas a este círculo destacan María Lejárraga, Elena Fortún, Carmen Conde, María Teresa León e Zenobia Camprubí, mulleres que, a través das súas palabras e do seu compromiso, contribuíron a transformar a sociedade do seu tempo.

Escolma de textos en galego

Escolma de textos en castelán

24 OUTUBRO, DÍA DAS BIBLIOTECAS

 

Cada 24 de outubro celébrase o Día das Bibliotecas. Desde 2019 incorpórase o lema 'Aptas para todos os públicos' que estará presente en todas actividades que se poñan en marcha.

O lema deste ano, “Sen profesionais non hai bibliotecas”, quere poñer no centro ás persoas que fan posible que as bibliotecas sexan moito máis que un simple conxunto de recursos, andeis e espazos.

PREMIO PLANETA, 2026

O Premio Planeta de Novela 2026, que celebra o seu 75 aniversario, recoñeceu o talento de dous autores con traxectorias e estilos moi diferentes: Isabel Allende, unha das escritoras máis recoñecidas da literatura en español, e Sergio Hernández Carrasco, unha nova voz que combina literatura, historia e narrativa gráfica.

Isabel Allende, autora de nacionalidade chilena, é unha das escritoras máis lidas da literatura contemporánea. A súa obra destaca pola forza dos personaxes femininos, a memoria familiar, o amor, a identidade e a historia de América Latina.

Acadou sona internacional coa súa primeira novela, La casa de los espíritus (1982), á que seguiron títulos tan coñecidos como De amor y de sombra, Eva Luna, Paula, Hija de la fortuna e Largo pétalo de mar.

Coa novela La hora antes del alba, gañadora do Premio Planeta 2026, regresa ao universo de La casa de los espíritus para recuperar a historia de Alba Trueba e afondar nas feridas da ditadura, na memoria e na capacidade de reconstruír a propia vida.

O valenciano Sergio Hernández Carrasco, aé escritor, filólogo hispánico e guionista audiovisual. A súa traxectoria abrangue a narrativa, a poesía, a literatura infantil e xuvenil, o cómic e a novela gráfica.

Entre as súas publicacións figuran La última canción de primavera (2019), Backhome (2020), El diari de Laia (2021) e Hysteria (2023).

A súa novela La añoranza, finalista do Premio Planeta 2026, parte da Barcelona de 1959 para construír unha historia de amor, misterio e memoria histórica. A investigación que impulsa o relato conduce ata o exilio de Antonio Machado e os silencios da España franquista. A súa obra reivindica o valor da literatura para recuperar episodios do pasado e comprender mellor a nosa historia. 

PREMIO NOBEL, 2026

O Premio Nobel de Literatura recoñece cada ano a autores e autoras que destacan pola súa contribución á literatura universal. Un galardón que nos invita a descubrir novas voces, explorar outras culturas e gozar do poder das palabras.

Este ano 2026, a escritora canadense Anne Carson foi distinguida co Premio, pola súa obra innovadora, que combina poesía, prosa e tradición clásica para crear novas formas literarias.

Entre as súas obras máis destacadas están Autobiografía de Rojo, La belleza del marido, Nox, Decreación e Eros, el agridulce, nas que explora temas como o amor, a identidade, o desexo e a perda.

BOLETÍN FAMILIAS, 2026

 

PREMIO NACIONAL DE NARRATIVA, 2026

O escritor leonés Julio Llamazares recibe o Premio Nacional de Narrativa 2026 pola súa obra El viaje de mi padre, un libro que combina memoria persoal e historia para reflexionar sobre as feridas da Guerra Civil e a importancia de lembrar.

Unha obra emotiva que recupera a memoria familiar e nos convida a reflexionar sobre o pasado.

SAMAÍN, 2026

SAMAÍN, 2026

Extraescolares de Biblio Caniza

INSTAGRAM!

Temos unha novidade que queremos compartir con vós! O cole tamén está en Instagram! Un novo espazo para estar máis preto de toda a comunidade educativa, compartir o que facemos e mantervos ao día das novidades.

Anímate a seguirnos!

PREMIO NACIONAL DE LITERATURA INFANTIL E XUVENIL, 2026

Antonio Rubio e Carmen Queralt, Premio Nacional de Literatura Infantil e Xuvenil 2026 pola obra Divertimentos: juegos poéticos, publicada por Kalandraka.

Un libro que transforma a poesía nun xogo de palabras, rimas, trabalinguas, haikus e poemas visuais, enriquecido coas ilustracións cheas de dinamismo e imaxinación de Carmen Queralt.

PREMIO NACIONAL CÓMIC, 2026

O Premio Nacional do Cómic 2026 foi concedido á autora Irene Márquez pola súa obra La muerte de Irene Márquez, publicada por Autsaider Cómics. O galardón, outorgado polo Ministerio de Cultura e dotado con 30.000 euros, recoñece unha proposta creativa que destaca pola súa audacia, a súa personalidade artística e o seu particular sentido do humor.

O xurado destacou a orixinalidade estética da obra, o dominio do humor e a capacidade da autora para abordar unha realidade complexa desde unha perspectiva irreverente e inesperada. A través do humor negro, Irene Márquez transita entre o incómodo, o brutal e o cómico, convidando ás persoas lectoras a cuestionar os límites do humor contemporáneo.