CALENDARIO ESCOLAR 2025-2026

E aínda sen rematar o 24-25, xa podedes descargar os calendarios escolares do 25-26, o anual ou os mensuais, coas festas locais.

RESUMO DAS EXTRAESCOLARES E COMPLEMENTARIAS DO CURSO

Actividades complementarias 2025 de Elena

FESTIVAL E GRADUACIÓN, 2025

Non puido ser na data prevista, pero aquí estivemos hoxe celebrándoo a tope.

Despedíronse os de 4º cunha mestura de emocións: alegría por rematar unha etapa, tristeza por despedirse, inquietude ao comezar una nova aventura, incerteza ante os novos retos...

Lembrade que aquí as portas estarán sempre abertas para vós.

Parabéns, graduados!!!

GALERÍA

Graduación 2025 de elena

IOGA

Hoxe fixemos ioga co profe José Luis, do IES da Cañiza. Foi en inglés e tivemos a participación de antiguos alumnos.

GALERÍA

MÚSICA POLA IGUALDADE

Xa temos os resultados do programa educativo XÉNERO VERSOS, no que participou o alumnado de 3º ESO.

Escoitade e lede. E parabéns ao alumnado polo traballo.

 

LETRAS

PREMIO AOS MELLORES LECTORES, 24-25

 

GRADUACIÓN, 2025

EXCURSIÓN DO CORO

Hoxe, os alumnos de coro visitaron as termas de Salvatierra, e quedaron  moi  relaxados para afrontar os  últimos examenes do  curso. Gozaron no parque de Canuda, visitaron a vila de Monçao, en  Portugal, fixeron algunhas compras na feira e actuaron na praza do pobo.

GALERÍA

OCHO SEÑALES

Hoxe visitounos Noelia Míguez para falarnos de Ocho señales, un relato autobiográfico que detalla a relación de abuso, psicolóxico e físico, que case lle custa a vida.

Noelia, a través do libro, busca concienciar á sociedade sobre a violencia de xénero, para que poidamos recoñecer os sinais de alerta nas relacións abusivas.

Arrepiante experiencia que soubo transmitir a un auditorio de 3º entregado.

GALERÍA

ANO CASTELAO

Vivimos o ano Castelao e as nosas letras coas montaxes que crearon dende Polos Creativos. Con elas decoramos os corredores.

AVALIÁNDONOS, 24-25

Por favor, pica na imaxe para responder á enquisa

VISITA CIFP A GRANXA

A nosa antiga orientadora, Eva, xunta cunha profesora do centro, charlaron co noso alumnado de 3º, sobre as opcións que este centro lles ofrece en Ponteareas.

GALERÍA

FIADEIRO 2025

Celebramos as Letras con intensidade: obradoiros de coplas e baile, actuacións de coro, pandereteiras e moita troula.

Grazas Artur Puga e ACS Sta Cristina de Valeixe polo voso acompañamento e, sobre todo, grazas a profesorado e alumnado pola participación activa. Cando organizabamos o fiadeiro, nin imaxinabamos que se puidese producir un momento como este, no que todo o centro bailaba no patio ao son da música tradicional.

 Estamos dispostos a repetir! E vós?

GALERÍA

DÍA LETRAS GALEGAS, 2025

Como este ano 2025, o día das Letras Galegas estará dedicado ás Cantareiras e á poesía popular oral, Elvira Roiz, profesora do IES Concepción Arenal (Ferrol) realizou esta marabillosa  presentación  sobre estas figuras da nosa cultura.

EXCURSIÓN CLUB LECTURA, 2025

Chegou o día tan agardado!

VISITA 2º ESO

Hoxe, o alumnado de 2° ESO viaxou á Idade Media no Castelo de Sobroso (en Mondariz). Alí, puideron coñecer a historia da raíña Urraca e viron, cos seus propios ollos, como era unha fortaleza militar na Idade Media. Comprobaron, in situ, que son moi altos para as construcións desta época; algún alumno necesitaba un castelo con teitos máis altos para poder entrar polas portas.

Tamén visitaron o taller "Gaitas Gil" en Ponteareas. Alí, ademais de comprobar o proceso de construción das gaitas, axudaron ao luthier.

GALERÍA

LETRAS GALEGAS, 2025

CLUB LECTURA, 2025

Os de Muchachada Lectora sacan á venda os productos deseñados por Polos Creativos e así abaratar a excursión final.

Animádesvos a colaborar?

VISITA IES O RIEIRO

Profesoras do ciclo formativo de Industrias Alimentarias, charlaron co noso alumnado de 4º, sobre que se aprende a facer no ciclo, en que ámbitos se traballa ou que ocupacións se desempeñan.

LETRAS GALEGAS, 2025

A Real Academia Galega acordou dedicar o Día das Letras Galegas 2025 á poesía popular oral.

Conxuntamente, Dinamización Lingüística e Biblioteca ofrecen algunhas maneiras de achegarse á súa figura:

Pandeireteiras de Mens (Malpica)

• Primavera das letras.
• Seminario Galán.
• O portal da lingua galega. Recolle numerosas actividades dinamizadoras dos centros.
• Se canto é porque quero, serie de tres episodios producida pola RAG.

Capítulo 1   -   Capítulo 2   -   Capítulo 3

• Consello da cultura galega.
• As Letras en Datos e Datas.

CELANOVA, 2025

Cos Dptos de Música e Lingua Galega, o alumnado de 4º visitou hoxe Celanova, para asistir a un concerto didáctico de órgano. visitar o mosteiro de San Miguel, a biblioteca do IES, a casa dos poetas e Vilanova dos Infantes.
Visita completa, onde recitaron e ata cantaron. Entrade e mirade.

CONCURSO LETRAS GALEGAS CONCELLO DA CAÑIZA

ENFIANDO VERSOS III, 2025

GAÑADORES ENFIANDO VERSOS III, 2024-2025 de MEPP

VISITA 6º, 2025

Póster vuelta al cole ilustrado multicolor de Alba Gonzalez Viso

O futuro alumnado de 1º da ESO (de Arbo, Valeixe, Crecente e Cañiza) vén de visita e aproveitaremos a xornada para que nos coñeza.

Convertiremos en guías aos antigos compañeiros e levarán un pequeniño agasallo que preparamos especialmente para eles.

Agardámosvos!!!

   

AXUDAS PARA ALUMNADO CON NECESIDADE ESPECÍFICA DE APOIO EDUCATIVO

Ayudas para alumnado con necesidad específica de apoyo educativo 2022/2023 de Alba Gonzalez Viso

ENFIANDO VERSOS III, 2025

Pincha na imaxe para ir vendo os recitados de cada curso.

 

ENFIANDO VERSOS III, 2025

CLASIF ENFIANDO VERSOS III 2024-2025 de MEPP

ENFIANDO VERSOS III, 2025

PRIMEIRA FASE ENFIANDO VERSOS III 2024-2025 de MEPP

DÍA DO LIBRO, 2025

Como aperitivo neste día podemos ver "Los fantásticos libros voladores del Sr. Morris Lessmore", unha curta de animación gañadora dun Oscar no 2012.

Máis recursos aquí.

CANTARES DE PRIMAVERA, 2025

Non puidemos despedir o trimestre coas actividades deportivas (cancelamos polas previsións meteorolóxicas, que ao final non se cumpriron), pero si co concerto de primavera que Ruta (profesora de música) organiza co coro e con alumnos de 2º.

Houbo canto, pero tamén baile. Entrade na galería.

Máis...

CHARLAS CULTURAIS EN INGLÉS

GALERÍA

Hoxe, día 7 de abril, o irlandés Johnny Flynn (da editorial Burlington Books) achegouse á Cañiza para dar dúas charlas culturais. 

Mentres a rapazada de 2 da ESO aprendeu sobre diferentes aspectos do Reino Unido, a de 1 da ESO fixo o propio sobre os Estados Unidos. 

Dun xeito ameno, o relator fixo varias preguntas e repartiu algún premio!! 

Esperamos ver a Johnny o ano próximo!

DESPEDIDA TRIMESTRE

SUSPENDIDA POLA CLIMATOLOXÍA

CORO

CANTARES DE de MEPP

DÍA MUNDIAL DE CONCIENCIACIÓN SOBRE O AUTISMO

Visitamos coas titorías a aula específica do centro; ao concienciar, construiremos un mundo máis inclusivo. Galería

Para saber máis:

• Olga Lalín e Seso Durán, pais de Manuel, un pequeno de seis anos que ten autismo, publican un vídeo para darlle visibilidade a este trastorno. Piden, ademais, a súa difusión. Aquí o tedes.

• Guía para familias: "Un niño con autismo en la familia"
• Guía para padres de adolescentes con autismo. ¿Cómo motivar a mi hijo?.
• Recursos de Educación 3.0 para que os alumnos melloren na súa aprendizaxe.
• Moi recomendable tamén o documental “María y yo” (en rtve a la carta) que trata a vida de María, filla do debuxante Miguel Gallardo.

BECAS MEC, 2025

Copia de BECAS MEC

CAMBIO DE HORA

Esta noite non esquezades.

Este costume de atrasar o reloxo en inverno e adiantalo en verán empezouse a usar de forma xeneralizada en 1974 tras a primeira crise do petróleo. O obxectivo era poder aproveitar mellor a luz do sol e consumir menos electricidade.

O cambio supón un aforro potencial estimado de enerxía que podería alcanzar o 5%, ao redor de 300 millóns de euros, segundo estimacións do Instituto de Diversificación para o Aforro Enerxético (IDAE).

Non obstante, non todo o mundo está de acordo con este cambio de hora. A Comisión Nacional para a Racionalización dos Horarios Españois (ARHOE), insiste na importancia de non efectuar este cambio para "estar en harmonía coa luz solar".

Esta medida non só se adopta en España, senón que se leva a cabo nuns 70 países en todo o mundo; en concreto, todos os países de Europa, América do Sur, África, algunhas zonas de Estados Unidos e Canadá. É Xapón o único país industrializado que non se adaptou a esta normativa.

III CONCURSO POÉTICO "ENFIANDO VERSOS"

ENFIANDO VERSOS III (A) de MEPP

PRIMAVERA DAS LETRAS, 2025

Xa está dispoñible na páxina web de Primavera das Letras o texto teatral As Ferreñas (en vivo e en directo). Trátase dunha obra de Paula Carballeira dirixida ao público máis novo, co gallo do Día das Letras Galegas, que lles dedica ás cantareiras e á poesía popular oral.

Na mesma páxina están tamén dispoñibles as primeiras actividades interactivas, fichas para colorear e os deseños das chapas e marcapáxinas das cantareiras que creou a ilustradora.

DÍA DAS ARTES GALEGAS, 2025

RECURSOS

27 DE MARZO, DÍA MUNDIAL DO TEATRO

 

O día 27 de marzo celébrase, dende o 1961, o Día Mundial do Teatro, por iniciativa do Instituto Internacional do Teatro (ITI).

Un dos actos máis representativos é a circulación da Mensaxe Internacional, tradicionalmente escrita por unha personalidade de prestixio. O elixido este ano é o recoñecido Theodoros Terzopoulos.

Algúns recursos e páxinas de interese para desenvolver o tema nas aulas:

• Teatro de hoy
• ¡Atrás hay lugar! Una escena teatral. Juan Antonio Cardete

21 MARZO, DÍA DA POESÍA

En calquera momento a lectura pode ser unha fantástica vía de escape; por iso, dende a biblioteca, recomendamos:

• La poesía en el aula. Trabajo realizado por el Grupo escuela.
• Antoloxías:

• Antología poética multimedia.
• Portal de poesía.
• Índice de poetas. 
• Son dos poetas.
• Poesía galega.
• Orella pendella, ditos, recitados e cancións infantís.

Acción Poética

CASTELAO

O alumnado de 4ºESO A púxose creativo e, coa obra “Cousas da vida” servindo de modelo, realizaron nove láminas ao máis puro estilo Castelao.

Nelas, tentando manter a crítica social e ironía que caracterizaban ao autor, centráronse en tres grandes temas: políticos, vellos e mulleres.

Achegádevos a velas para ver se o conseguiron!

15 DE MARZO, DÍA DO CONSUMO RESPONSABLE

O 15 de marzo de 1963, o presidente de EE.UU., John F. Kennedy, pronunciou un discurso ante o Congreso dese país no que se referiu aos dereitos dos consumidores. Algúns anos máis tarde, o movemento de consumidores comezou a celebrar cada 15 de marzo o Día Mundial dos Dereitos do Consumidor para aumentar a conciencia mundial sobre estes dereitos.

Podemos analizar a nosa actitude ante o consumo e a forza da publicidade despois de ver algún destes vídeos.

Spot publicitario de Dove que provocou unha resposta de Greenpeace na que denunciaban a deforestación do Sudeste de Asia para plantacións de aceite de palma.

Máis materiais en Datos e datas, Igualdade Vigo

DÍA DO NÚMERO PI

Dende o 2009 celebramos o 14 de marzo o día de Pi, data que o Congreso de EEUU elixiu para homenaxear a este número irracional, con intención de promover as matemáticas e as ciencias na educación. Os parlamentarios escolleron ese día porque a súa escritura en inglés (3/14) coincide co valor da ilustre constante.

Máis curiosidades do número pi...
E a celebración do IES MUGARDOS neste día

8M, 2025

Coa nosa camiseta, personalizada coa creación de Elisabeth Alonso Alonso, de 3ºA, celebraremos o día.

RECURSOS PARA ESTE DÍA

SEMANA DA PRENSA, SEGUNDA SEMANA DE MARZO

RECURSOS AQUÍ

ENTROIDO 2025

E chegou o día.

GALERÍA

O NOSO MUSEO

 En Secundaria, traballadores e alumnado crean unha exposición ben particular.

A entroidar!!!!!

Galería

LINGUA VITAL XA!

A plataforma Queremos Galego, apoiada por máis de 600 colectivos, convocou para o domingo 23, no día de Rosalía, unha marcha para esixir medidas urxentes en defensa do galego.

Dende esta biblioteca tamén nos sumamos a esa mobilización social.

ORGULLO GALEGO

Convidados por Dinamización Lingüística, os de Orgullo Galego visitáronnos para  transmitir, ao alumnado de 4º da ESO, o valor da nosa lingua, cultura, historia e tradicións. Neste caso, ao estar tan preto, o tema foi o Entroido.

GALERÍA

ENTROIDO 2025

Galería

DÍA DE ROSALÍA, 2025

A profe Mercedes Orbaneja é a creadora deste recurso. Conta tamén con materiais para imprimir.

DÍA DE ROSALÍA, 2025

O Día de Rosalía de Castro pasou a celebrarse o 23 de febreiro, auténtica data de nacemento da poeta.

A Xunta de Galicia e as institucións vencelladas á autora deciden cambiar a efeméride tras a aparición de nova documentación que desvela a súa data real.

RECURSOS PARA CONMEMORAR O DÍA AQUÍ

SAN VALENTÍN

Realizado no 2022 polo alumnado da que, naquel momento,
era a profesora de Plástica, Tania

No 14 de febreiro, moito amor para todos con recomendacións lectoras e recursos.

PROFESOR E NOVELISTA

Que farías se, de repente, unha serie de catástrofes naturais botan abaixo o mundo tal e como o coñecemos? 

Marco e mais a súa familia afrontarán unha fugaz fuxida, cara ás montañas do Courel, na procura de acubillo. Esta carreira conduciraos a un lugar completamente insospeitable. O novo escenario que se abre ante eles amosaralles unha realidade diametralmente distinta á que coñecen, e fará que se enfronten a misterios que, ata agora, agardaban ocultos nas profundidades...

Temos a sorte de contar co seu autor, Guillelme Denís Castillo, como compañeiro. Pedide o libro na biblio, estavos agardando.

PROGRAMA DE PREVENCIÓN DE CONDUTAS ADITIVAS

DÍA INTERNACIONAL DA MULLER E A NENA NA CIENCIA

Para o 11F, os departamentos de Ciencias programamos a película Madame Curie e, ao traballar a UD sobre a peli, reflexionaremos sobre o papel das mulleres no mundo da Ciencia.

Cos xogos de Polos Creativos, tamén podemos coñecer científicas que fixeron historia.

ENTROIDO, 2025

Repostería Póster de MEPP

ENTROIDO, 2025

Xa empezou a decoración. Alumnos de 1º e 3º deixan a súa pegada.

Galería

CLUB DE CÓMIC

Non sei se sabedes que, xunto co club de lectura, temos un club de cómic, ben activo todos os recreos da semana, na aula de Plástica con Ángel.

Empezamos a ver as súas producións.

QUERES UNHA?

Este ano, para o 8M, teremos a nosa camiseta personalizada. En fondo branco ou negro, levará a creación gañadora no 25N; a da alumna Elisabeth Alonso Alonso, de 3ºA.

Vestirémola todos cando celebremos o día.

Se queres a túa, só tes que solicitarlla aos titores antes do 7 de febreiro. O prezo, que dependerá do número de camisetas encargadas, non será maior de 8,00 €.

Animádevos!!!!

Simulación

CARREIRA SOLIDARIA, 2025

Adiada polo clima, celebramos hoxe, día 31, a carreira solidaria para conmemorar o día da paz.

Con ela realizamos, tamén, unha recollida de alimentos no centro.