29 de nov. de 2020

CONCURSO NADAL

  DECORAMOS A PORTA DA BIBLIOTECA
Ao igual que fixemos en cursos pasados, queremos decorar a porta da biblioteca para o Nadal coa vosa colaboración.
Bases:
  • Participantes: a participación será individual ou en grupo (máximo 4 persoas).
  • Prazo: a data límite para entregar na biblioteca os proxectos será o 9 de decembro ás 14:30 horas.
  • Tema: o Nadal. 
  • Procedemento: realizarase o deseño nun folio no que, ademais, se expliquen os materiais empregados na súa realización. Lembrade que ha de ser papel, cartón, cinta, algodón, ou calquera material fácil de conseguir e económico.
  • Xurado composto por:
  • Un membro do equipo da biblioteca.
  • Un membro do Equipo Directivo.
  • O profesor de Educación Plástica e outro profesor/a do centro.
  • Un delegado ou subdelegado elixido de entre os non participantes.
  • Gañador: elixirase un único premiado de entre todos os traballos presentados. 
  • Premios:
  • Realización do deseño na porta da biblioteca.
  • Un vale para material escolar na librería Escribán.

 Aquí tedes algún modelo:

Gañadora 2019

Gañadora 2018
Gañadora 2017
Gañadora 2016

25N NA ESO

En Secundaria todos traballaron para conmemorar o día, pero algúns con proxección fóra da aula, aquí deixamos algunha mostra. Pinchade nas imaxes para ver máis.

  • Raquel, con Valores de 2º A.
  • Iria, coa titoría de 1ª A.

  • Tony, coa titoría de 4º A.

  • Ivonne coa titoría de 1º C.

26 de nov. de 2020

Comezamos!

 A Biblioteca de Infantil e Primaria do CPI da Cañiza xa está dispoñible para todos/as vós! Este ano dunha maneira un pouco diferente, pero sempre con gañas e ilusión para que poidades desfrutar das vosas lecturas favoritas. Unhas caixas con libros percorrerán as vosas clases durante unha tempada para achegarvos a maxia da biblioteca. 

Para máis información, premede nesta imaxe e mirade o vídeo! 





25 de nov. de 2020

CONSTITUCIÓN E ESTATUTO DE AUTONOMÍA, do 30 de novembro ao 7 de decembro

Outros recursos para conmemorar esta data:
  • Taller literario. Despois de analizar anuncios publicitarios moi coñecidos, respondede:
    • Onde está a clave do seu éxito?
    • Que tópicos recollen? Serven para caracterizarnos polo mundo adiante?
    • Que aspectos nos fan sentir orgullosos de ser galegos? Cales non?










  • Análise de estereotipos e posibilidade de crear un mapa similar que recolla a idea que temos de nós mesmos e dos demais. Podemos tomar como punto de partida 13 estereotipos dos españoles... de El Huffington Post.
Un mapa que, con escaso rigor científico e/ou etnográfico, recolle o que pensan os nosos veciños de nós. Acaso terán razón?

CONSTITUCIÓN E ESTATUTO DE AUTONOMÍA, do 30 de novembro ao 7 de decembro

NON a Violencia de Xénero


 

25 NOVEMBRO

Hoxe e sempre, dende o CPI da Cañiza...

15 de nov. de 2020

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Neste espazo ofrecemos sete elementos motivadores cos que debatir e sensibilizar e, ademais, un banco de recursos. 
É importante detectar a desigualdade para loitar contra ela; só educando e igualdade de homes e mulleres estaremos contribuíndo a reducir e eliminar a secuela da violencia de xénero.
1.- Videopoema "Inagotables" do libro Asíntota de Carlos Miguel Cortés.
Tamén podemos escoitar a versión realizada por Dario DK para o CPI de Mondariz.
2.- ¡Qué niña tan bonita!
Curta de Alicia Ródenas con texto de Ro de la Torre coa que se presentou á sétima edición do concurso de curtas do instituto Diego Siloé de Albacete.
Ao longo do vídeo, a moza le cen frases ás que cada muller está exposta desde a súa nenez; entre outras: "Se te ven xogar cos mozos chamaranche marimacho" ou "Non sexas tan bruta xogando, pareces un neno".
 
3.- Sexismo no deporte
"Poderías dar unha volta para nós e dicirnos algo sobre o teu vestiario?" Esta é unha de tantas preguntas que os xornalistas deportivos lles fan ás atletas e que recolle a campaña #CovertheAtlete.
Pois ben, como reaccionarían eles de seren tratados do mesmo xeito?
4.- As nenas poden
Campaña que nos invita a todos para que a igualdade desde a infancia sexa un obxectivo prioritario.
5.- De par... en par
Trátase da campaña do SAAMA (Servizo de Apoio e Atención contra o Machismo). Cos textos de Neus Nebón  e as ilustracións de Tania Acuña, este vídeo serve como test a todas esas condutas do día a día que forman parte da pirámide machista que remata na violencia contra as mulleres.
6.- Como actuamos ante a violencia machista?
Todo o mundo rexeita, sen ningún tipo de paliativos, a violencia contra as mulleres. Pero, que acontece cando somos testemuñas en primeira persoa deste tipo de agresións?

A compañía sueca STHLM Panda decidiu comprobar a reacción da xente ante a violencia de xénero. Cunha cámara oculta instalada nun ascensor, un home ameaza e agride a súa suposta parella, ante unha testemuña.
Abonda con ver o vídeo para comprobar que, aínda que a opinión e actitude da maioría cidadá é totalmente contraria a este tipo de violencia, á hora da verdade, non se actúa en consecuencia. Só unha das 53 vítimas da cámara oculta reacciona ante a agresión.
Na biblioteca, ese día, con marcapáxinas, música, libros e audiovisuais intentaremos sensibilizar, previr ou detectar situacións de risco.

30 de out. de 2020

PREMIO NACIONAL NARRATIVA, 2020

Juan Bonilla foi o galardoado pola súa obra ‘Totalidade sexual del cosmos".
Juan Bonilla é licenciado en Xornalismo e colaborador habitual en xornais, revistas de información xeral e en revistas literarias. É coordinador da revista Zut e colabora en EL Mundo e JotDown. É autor das novelas Ninguén coñece a ninguén (1996), que foi levada ao cinema; Los príncipes nubios (2003), Prohibido entrar sin pantalones (2013) e La novela del buscador de libros (2018)

28 de out. de 2020

SAMAÍN

O Samaín é unha celebración de orixe celta que o cristianismo reconvertiu no Día de Todos os Santos.
A noite do 31 de outubro, que coincide coa entrada do inverno e o fin do verán, comeza o Ano Novo celta.
Nesta noite, as ánimas dos mortos atravesan a porta que separa o mundo dos vivos e dos mortos, e visitan as casas das súas familias para quentarse e tomar algo de alimento.
Se queredes celebrar o día, aquí tedes:

          
 
Pasa tamén pola biblioteca para comprobar como celebramos o día cunha selección de lecturas; levarás tamén un marcapáxinas co préstamo.

27 de out. de 2020

LETRAS GALEGAS, 2020

Como sabedes, as Letras Galegas, por mor da COVID-19, adiouse, por primeira vez na historia, a este 31 de outubro. E, cerca da data, convidámosvos a visitar as entradas que naquel momento fixemos sobre o día e o autor.

24 de out. de 2020

CAMBIO DE HORA

Esta noite non hai que esquecer...
Este costume de atrasar o reloxo en inverno e adiantalo en verán empezouse a usar de forma xeneralizada en 1974 tras a primeira crise do petróleo. O obxectivo era poder aproveitar mellor a luz do sol e consumir menos electricidade.
O cambio supón un aforro potencial estimado de enerxía que podería alcanzar o 5%, ao redor de 300 millóns de euros, segundo estimacións do Instituto de Diversificación para o Aforro Enerxético (IDAE).
Non obstante, non todo o mundo está de acordo con este cambio de hora. A Comisión Nacional para a Racionalización dos Horarios Españois (ARHOE), insiste na importancia de non efectuar este cambio para "estar en harmonía coa luz solar".
Esta medida non só se adopta en España, senón que se leva a cabo nuns 70 países en todo o mundo; en concreto, todos os países de Europa, América do Sur, África, algunhas zonas de Estados Unidos e Canadá. É Xapón o único país industrializado que non se adaptou a esta normativa.

23 de out. de 2020

DÍA DAS BIBLIOTECAS 2020

O día 24 de Outubro, sábado, celebramos o Día das Bibliotecas! 

Para esta conmemoración, o Equipo de Biblioteca de Infantil e Primaria queremos adiantarvos un pouco o que estamos a preparar na biblio do cole, para que volva a funcionar e poidades desfrutar pronto das vosas lecturas favoritas.

Premede na imaxe para acceder ao vídeo. 

Vémonos prontiño!





PREMIO NACIONAL DE CÓMIC, 2020

O  historietista Javier de  Isusi foi galardoado co premio pola súa obra La divina comedia de Óscar  Wilde, unha obra cun " guion perfectamente articulado" e unhas ilustracións "moi suxestivas e ao servizo da narración".
Javier de  Isusi estudou arquitectura nas escolas de San Sebastián e Lisboa. Acabada a carreira, probou brevemente a profesión e emprendeu unha viaxe na que percorreu durante un ano boa parte de Latinoamérica. Ao volver desa viaxe decidiu dedicarse ao que sempre quixo facer: contar historias en viñetas.
Entre as súas obras está a tetraloxía Los viajes de Juan Sin Tierra (La pipa de Marcos, La isla de Nunca jamás, Río Loco e En la tierra de los Sin Tierra), La partida del soldado, Ometepe, He visto ballenas, Asylum...

21 de out. de 2020

PREMIO NACIONAL POESÍA JOVEN "MIGUEL HERNÁNDEZA", 2020

O xurado decidiu premiar este 2020 a Alba Cid pola súa obra Atlas.

Alba Cid é poeta e investigadora en poesía contemporánea. Participou en volumes como Poética da casa (2006) e na antoloxía de Apiario No seu despregar (2016). Publica textos de creación e recensións en revistas como Grial, Luzes, Tempos Novos e Dorna, e é colaboradora de Radio Galega.
Actualmente está a cargo do Centro John Rutherford de Estudos Galegos da Universidade de Oxford.

17 de out. de 2020

CLUB LECTURA

PREMIOS PLANETA DE NOVELA, 2020

Eva García Sáenz de Urturi con "Aquitania" e Sandra Barneda con "Un océano para llegar a ti", son a gañadora e finalista do LXIX Premio Planeta.
"Aquitania" é un "un thriller medieval" que homenaxea a 'El nombre de la rosa'. Relata a historia do home máis rico e respectado de toda a cristiandade, o duque de Aquitania, que, tras ser capturado nunha peregrinación, é torturado ata a morte. A súa filla, que herdará o Ducado, tratará de vingar a morte do seu pai e cambiar ao Rey de Francia.
"Un océano para chegar a ti" conta unha historia de reconciliación que fala das perdas e de todos os mortos. Ambientada nun pobo da Serra de Gredos, ten a Gabriel como protagonista e en 49 días cambia o concepto que ten do seu pai.

Libros que fan de Eva García Sáenz de Urturi unha das autoras máis lidas

Obras de Sandra Barneda

DÍA DAS ESCRITORAS

 

Aínda que dous días despois, este mural de Pedro Cifuentes recorda a algunha muller de letras.

15 de out. de 2020

PREMIO NACIONAL DE POESÍA, 2020

A poeta Olga Novo Presa vén de ser recoñecida co Premio Nacional de Poesía 2020, que outorga o Ministerio de Cultura pola obra Feliz Idade.
Poeta, filóloga e profesora de Ensino Secundario en Monforte, ademais de numerosas colaboracións en revistas e antoloxías, publicou os títulos A teta sobre o sol (1996), Nós nus (1997), A cousa vermella (2004) e Cráter (2011) .Como ensaísta, é autora, entre outros, dos volumes O lume vital de Claudio Rodríguez Fer (1999, 2008) e Uxío Novoneyra. Lingua loaira (2005).
   

PREMIO NACIONAL DE LITERATURA INFANTIL Y JUVENIL, 2020

A escritora Elia Barceló foi galardoada co Premio Nacional de Literatura Infantil e Xuvenil 2020 por El efecto Frankenstein. Obra coa que Barceló homenaxea a obra de Mary Shelley.

É unha das escritoras de ciencia ficción máis destacadas da literatura en español, e na súa ampla obra tamén cultivou a narrativa xuvenil, de terror, o  thriller ou a novela histórica. Publicou máis dunha vintena de obras, entre novelas, ensaios e relatos, entre as que cabe destacar: Consecuencias naturales (1994), El vuelo del Hipogrifo (2002), El secreto del orfebre (2003), Las largas sombras (2009), Hijos de Atlantis (2013), La maga y otros cuentos crueles (2015), El color del silencio (2017) y El eco de la piel (2019)