ALUMNADO DE 3º ESO DÁ VOZ AO MONTE

O alumnado de 3º de ESO do CPI A Caniza participou nunha saída ao Concello de Melón xunto co IES do Ribeiro, para coñecer as causas e consecuencias dos incendios que arrasaron a zona o verán pasado. Tras tomar conciencia do sucedido, entrevistaron a axentes forestais, políticos e veciños afectados, e gravaron o monte para visibilizar unha realidade que, ano tras ano, sofren as terras galegas. O resultado, despois de moitas sesións de traballo, foron tres documentais:

3ºA: "Entre o lume"

3ºB: "As voces do lume"

3ºC: "Cinzas que deixan pegada"

Tras unha votación cruzada entre os dous centros, o documental gañador no noso centro foi o de 3ºC, "Cinzas que deixan pegada".

Pero contra o lume, o verdadeiro premio é a memoria que non se apaga: parabéns a todo o alumnado de 3º de ESO polo seu traballo e compromiso, e grazas ao IES do Ribeiro por axudar a manter viva esta loita. Porque, contra o lume, gañamos todos.

UNIDOS POR UN FUTURO MÁIS VERDE

A chuvia non foi convidada, pero tampouco estragou nada. O alumnado do IES de Ribadavia e do CPI da Cañiza chegou a Melón cunha axenda cargada e saíu de alí coa cabeza chea de imaxes, de conversas e desa satisfacción rara que dá facer algo que vale a pena.

A excursión arrancou cunha camiñata polos montes de Quins, onde o rastro do incendio do verán pasado aínda está moi presente. Hectáreas de árbores calcinadas que o alumnado captou coas súas cámaras para o documental audiovisual que están a elaborar conxuntamente sobre os incendios forestais na contorna.

Un dos momentos máis valorados da xornada foi a entrevista cos axentes forestais da zona, que lles explicaron de primeira man as causas, as consecuencias e os traballos de recuperación en marcha. Material de primeiro nivel para o documental.

O alumnado tamén arremangou e puxo mans á obra: plantaron árbores na zona afectada, leron un manifesto en defensa dos bosques e fixeron entrega dunha placa ao alcalde de Melón como recoñecemento ao traballo de recuperación do municipio. Outro dos traballos preparados foi a construción e colocación dunha casiña para paxariños, contribuíndo á recuperación da fauna local nunha zona onde o equilibrio ecolóxico quedou alterado polo lume.

Finalmente, despois dun bo xantar para repor forzas, a xornada tivo un remate diferente: varias alumnas convertéronse en guías e lideraron unha visita ao mosteiro de Melón, explicando a orixe, a estrutura e as partes dunha das construcións románicas máis importantes de Galicia.

ENTROIDO, 2026

En Secundaria, o centro vestiu de entroido e, como o tema é o MONTE, Iria (profe de Plástica), co alumnado de 4º da ESO recreou o monte autóctono.

A Meca tamén fixo das súas.

Mirade aquí.

A REGRA DAS 4R

4r de cristina castro

ADN EN BIO

Os alumnos de cuarto reproduciron a dobre hélice do ADN con materiais que eles mesmos escolleron. Logo investigaron sobre o trato que se lle deu a Rosalind Franklin neste asunto. " Os trapos sucios da dobre hélice".