USO SEGURO DE INTERNET

 

PARA OS PAIS

Continuamos coas medidas que o COVID nos impón, aínda que desexando volver á normalidade. Mentres isto non sucede, as nosas normas aquí.

A través destas vías iremos compartindo con vós novidades, imaxes, información... sobre a biblioteca, sobre o centro e sobre os seus fillos.

POR UNHA BIBLIOTECA SEGURA

XOGOS

Como algúns xa sabedes, no último trimestre do curso pasado mercamos xogos novos: Virus, Dixit, Código secreto, cubos de rubik, Story Cubes, Hive e Cortex. Tamén renovamos os antigos con novos taboleiros e fichas para xadrez, damas e parchís.

Para garantir a súa conservación, recordade:

Normas de uso:

• Os usuarios deberán acudir á biblioteca a solicitar o xogo desexado. Quen o recolle será o encargado de devolvelo.
• Só se presta un xogo por usuario.
• O uso será, exclusivamente, na zona do vestíbulo.
• Haberá que cubrir o rexistro que hai para tal fin.

Responsabilidades:

• Custodiar e coidar o xogo durante o préstamo.
• Advertir ao persoal da biblioteca de calquera anomalía ou dano que se observe.
• Non dobrar, marcar, romper, escribir... nos elementos do xogo.
• O profesor responsable encargarase de: manter a calma na zona, axudar aos principiantes, potenciar o xogo limpo, procurar que recollan con tempo.

Incumprimento das normas:

• Calquera actuación contraria as normas suporá a suspensión do servizo de préstamo temporal ou indefinidamente ou a sanción disciplinaria.
• O roubo, destrución ou deterioro irreparable do xogo ou dos seus accesorios implica a reposición con outro de similares características.

GUÍAS BIBLIOTECA

Se queredes recordar as normas da biblioteca, xa tedes as guías actualizadas na páxina que corresponde ou picando aquí.

PRÉSTAMO VERÁN

No verán hai tempo para todo, e tamén para ler.

Se queredes ocupar coa lectura o voso tempo de lecer, o alumnado de 1º, 2º e 3º da ESO podedes levar ata un máximo de tres libros.

Comezaremos o préstamo de verán a partir do luns día 15.

NOVIDADES

Curso novo, normas novas.

Atentos á devolución do material nos prazos fixados!!! Sabedes que perseguimos ao morosos.