CONCURSO, DÍA DA BIBLIOTECA

SEMANA DO 14 DE NOVEMBRO

"Historia dos expedientes secretos, 5"

Supoñemos que xa sabedes de que cidade se trata e onde se atopa o cadro roubado: pero, queda algo máis: buscade a dirección do lugar no que se esconde a obra roubada e entregádea na biblioteca.

CONCURSO, DÍA DA BIBLIOTECA

SEMANA DO 7 DE NOVEMBRO

"Historia dos expedientes secretos, 4"

Xa se vai desvelando o misterio. Coñecemos o autor e a obra roubada, pero o traballo continúa, pois descoñecemos o lugar no que agora se esconde.
A semana pasada chegounos un pequeno paquete cunha gravación das cámaras do Museo. Trátase dunha conversa na que interveñen persoas en distintos idiomas: inglés, francés e galego.
A misión para esta ocasión é a seguinte: buscar as palabras que non comprendemos e traducilas.

-Segundo ordes recibidas do noso boss, o lugar no que se esconde o material do robbery está lonxe do Museum. -Debemos connaître a forma máis rapide e sûre de le trouver. -Eu teño as instructions para saber como chegar; trátase dunha city of the North, tamén se chama a cidade olívica e ten unha square na que oshorses se elevan sobre unha source coma se voasen. -¿Alí mesmo se atopa o tableau? -Si, secret in the FRAME

(Pedide a ficha na biblioteca e entregádea unha vez cuberta)

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Proposta de traballo para as titorías

Este curso queremos utilizar as cancións, como ferramenta didáctica, para traballar na aula a igualdade e a violencia de xénero.

Desenvolvemento da actividade:

1. O titor dividirá a clase en grupos que traballarán, cada un, cunha canción distinta. Procurarase non repetir as cancións nas distintas aulas.
2. Unha vez elixidas, comezarase entregando as letras e vendo o seu videoclip.
3.  A continuación, xa en grupo, analizarán as letras para destacar todas as frases que encerran violencia e/ou desigualdade.
4. Por último, nunha cartolina, coa canción elixida como motivo central, crearán un produto que combine texto e imaxe. Os mellores, na semana do 25 de novembro, poderanse expor polo centro e subiranse ao blog da biblioteca.

Algunha canción posible:

ALEJANDRO SANZ. “Completamente loca”
AMARAL . “Salir corriendo”
AMISTADES PELIGROSAS. “Quítame ese velo
AMPARANOIA & ARI. “Ella baila Bembé”
BASSI. “Trato p’al maltratro”
BEBE. “Ella”
BEBE. “Malo”
CANTO DEL LOCO. “Acabado en A”
CHOJIN & LYDIA. “El final del cuento de hadas
CHRISTIAN MEIER & MIQUEL ERENTXU. “La novia de nadie”
DANZA INVISBLE. “La mujer ideal”
DEF CON DOS. “Ellas denunciaron”
DNOÉ. “Deteneos chicos, defendeos chicas”
EFECTO MARIPOSA. “Hoy por mí”
EL ARREBATO. “Mirando por ti”
EL BARRIO. “Verbo sufrir”
ELLA BAILA SOLA. “Mujer florero”
HUECCO & HANNA. “Se acabaron las lágrimas”
INMA SERRANO. “Acabaré”
ISMAEL SERRANO. “Caperucita”
JACKAL. “No más golpes”
LOS SUAVES. “No le grites”
LOS SUAVES. “Pobre Sara”
MAGO DE OZ. “Hasta que tu muerte nos separe”
MALA RODRÍGUEZ. “Nanai”
MALÚ. “Aprendiz”
MANÁ. “Ángel de amor”
MANUEL CARRASCO & MALÚ. “Que nadie”
MECANO. “Mujer contra mujer”
NO RELAX. “016”
NOSOTRÄSH. “El enemigo en casa”
ORISHAS. “Mujer”
PASÍÓN VEGA. “María se bebe las calles”
PEDRO GUERRA. “Hogar”
PEDRO GUERRA. “Lilith”
PEDRO GUERRA. “Niña”
PLATERO Y TÚ. “La maté porque era mía”
REVOLVER. “Lo que Ana ve”
Calquera outra que o alumnado coñeza.

LIGAZÓNS DE INTERESE: (En Pinterest teredes que estar rexistrados)

 Taboleiro musical

 Taboleiro audiovisual

 Cancións para a prevención

CAMPAÑA CONTRA O ACOSO

Google, coa axuda de Android, queren concienciar sobre o acoso escolar e a amizade a través dun xogo mundialmente coñecido: pedra, papel e tesoiras.

CONCURSO, DÍA DA BIBLIOTECA

SEMANA DO 31 DE OUTUBRO

"Historia dos expedientes secretos, 3"

Descifrade a mensaxe que se agocha nos datos mesturados do correo electrónico.

• Libro:
• Autor:
• Obra:

(Pedide a ficha na biblioteca ou descargádea aquí. Entregádea unha vez cuberta)

52000 LIBROS EN MOVEMENTO

A biblioteca de Nova York é unha das máis famosas e a súa sala máis reconocible é a Rose Main Reading Room.

Pois ben, despois duns arranxos importantes nos que estivo pechada, houbo que volver colocar os 52000 libros que gardaba.
Para celebralo, os bibliotecarios decidiron filmar o proceso neste time-lapse espectacular.

PARA CELEBRAR

Se vides pola biblioteca, levaredes co préstamo marcapáxinas para celebrar o Mes da biblioteca e o Samaín.

Gustanvos?
Son para vós.

CONCURSO: DÍA DA BIBLIOTECA ESCOLAR

S.O.S. Onde está a miña casa?

Con motivo da conmemoración do día das bibliotecas (24 de outubro), os habitantes da nosa celebraron a súa festa particular e, algún deles, despistado entre tanta troula, non soubo volver ao seu andel.

Axúdaos a regresar á súa vivenda-libro! Como?

• Busca na Biblioteca os libros aos que pertencen, nalgún deles dámosche pistas e, se segues tendo dúbidas, podes pedir axuda aos profesores, botaranche unha man.
• Anota o autor, o título e os datos que aparecen na etiqueta do lombo do libro.
• Cobre a ficha que atoparás na Biblioteca e entrégaa alí.

Descarga aquí

  Animádevos a participar!

CONCURSO, DÍA DA BIBLIOTECA

SEMANA DO 24 DE OUTUBRO

“Historia dos expedientes secretos 2”

Tras un exhaustivo rastrexo, C.O.S.T.A atopou unhas anotacións bastante estrañas que están estreitamente relacionadas coa Clasificación Decimal Universal (C.D.U.), sistema utilizado nas bibliotecas para a clasificación e ordenación dos materiais, por iso nos piden axuda. Descubride a mensaxe secreta combinando números, letras, a C.D.U e a vosa capacidade de investigación. 

• Museo de (7)____________ Raíña Sofía 
• Colección de (75) _________________ 
• Rúa Santa Isabel, nº (Medio ambiente + Relixión)___________, Madrid 
• Colección (Literatura - Linguas) ________ 
• Planta (Física - Matemáticas) ___________ 
• Sala ( Música + Bioloxía + Debuxo - Ciencias Sociais) ______________ 

(Pedide a ficha na biblioteca ou descargádea aquí. Entregádea unha vez cuberta)

ENTREGA DO CERVANTES CHICO, 2016

Na mañá de onte, 20 de outubro, celebrouse a entrega do Premio Cervantes Chico 2016 a Ana Alcolea, no Teatro Salón Cervantes de Alcalá de Henares.
O Premio Cervantes Chico outórgase anualmente a un escritor ou escritora de lingua castelá cuxa traxectoria creadora destacase no campo da literatura infantil e xuvenil.

PREMIO PRINCESA DE ASTURIAS DAS LETRAS, 2016

Coñecemos o premiado no ámbito das letras dende xuño, Richard Ford, pero será na segunda quincena de outubro cando teña lugar a cerimonia de entrega dos Premios Príncipe de Asturias 2016.
Escritor, xornalista deportivo, guionista e editor estadounidense, Richard Ford naceu en Jackson (Misisipi) no ano 1944.
En 1976 sae publicada a súa primeira novela, "Un anaco do meu corazón", á cal lle seguiu "A última oportunidade", traballo co que obtivo moi boas críticas, pero pobres resultados comerciais. A mediados dos oitenta, asentado na cidade de Nova York e tras ser despedido da publicación Inside Sports, Richard Ford publica a novela "O xornalista deportivo", obra coa que obtivo fama mundial e gañou un Premio Faulkner.
Uns dos seus personaxes máis famosos e protagonista de gran parte dos seus traballos é Frank Bascombre, que foi considerado un alter ego de Ford e que revive situacións autobiográficas.

CLUB DE LECTURA

Os coordinadores do club de lectura andan á caza de lectores e lecturas.

 Atentos!!!!!