SAMAÍN 2020

 

PREMIO NACIONAL NARRATIVA, 2020

Juan Bonilla foi o galardoado pola súa obra ‘Totalidade sexual del cosmos".

Juan Bonilla é licenciado en Xornalismo e colaborador habitual en xornais, revistas de información xeral e en revistas literarias. É coordinador da revista Zut e colabora en EL Mundo e JotDown. É autor das novelas Ninguén coñece a ninguén (1996), que foi levada ao cinema; Los príncipes nubios (2003), Prohibido entrar sin pantalones (2013) e La novela del buscador de libros (2018)

SAMAÍN

O Samaín é unha celebración de orixe celta que o cristianismo reconvertiu no Día de Todos os Santos.

A noite do 31 de outubro, que coincide coa entrada do inverno e o fin do verán, comeza o Ano Novo celta.

Nesta noite, as ánimas dos mortos atravesan a porta que separa o mundo dos vivos e dos mortos, e visitan as casas das súas familias para quentarse e tomar algo de alimento.
Se queredes celebrar o día, aquí tedes:

• Material didáctico para Infantil e Primaria
• Equipos dinamización de centros da Coruña. 
• Dossier Halloween.
• Cuaderno Halloween.
• El juego de la bruja.
• Algunha curta para Secundaria.

Lights Out - Who's There Film Challenge (2013) from David F. Sandberg on Vimeo.

          

 

Pasa tamén pola biblioteca para comprobar como celebramos o día cunha selección de lecturas; levarás tamén un marcapáxinas co préstamo.

LETRAS GALEGAS, 2020

Como sabedes, as Letras Galegas, por mor da COVID-19, adiouse, por primeira vez na historia, a este 31 de outubro. E, cerca da data, convidámosvos a visitar as entradas que naquel momento fixemos sobre o día e o autor.

CAMBIO DE HORA

Esta noite non hai que esquecer...

Este costume de atrasar o reloxo en inverno e adiantalo en verán empezouse a usar de forma xeneralizada en 1974 tras a primeira crise do petróleo. O obxectivo era poder aproveitar mellor a luz do sol e consumir menos electricidade.

O cambio supón un aforro potencial estimado de enerxía que podería alcanzar o 5%, ao redor de 300 millóns de euros, segundo estimacións do Instituto de Diversificación para o Aforro Enerxético (IDAE).

Non obstante, non todo o mundo está de acordo con este cambio de hora. A Comisión Nacional para a Racionalización dos Horarios Españois (ARHOE), insiste na importancia de non efectuar este cambio para "estar en harmonía coa luz solar".

Esta medida non só se adopta en España, senón que se leva a cabo nuns 70 países en todo o mundo; en concreto, todos os países de Europa, América do Sur, África, algunhas zonas de Estados Unidos e Canadá. É Xapón o único país industrializado que non se adaptou a esta normativa.

DÍA DAS BIBLIOTECAS 2020

O día 24 de Outubro, sábado, celebramos o Día das Bibliotecas! 

Para esta conmemoración, o Equipo de Biblioteca de Infantil e Primaria queremos adiantarvos un pouco o que estamos a preparar na biblio do cole, para que volva a funcionar e poidades desfrutar pronto das vosas lecturas favoritas.

Premede na imaxe para acceder ao vídeo. 

Vémonos prontiño!

PREMIO NACIONAL DE CÓMIC, 2020

O  historietista Javier de  Isusi foi galardoado co premio pola súa obra La divina comedia de Óscar  Wilde, unha obra cun " guion perfectamente articulado" e unhas ilustracións "moi suxestivas e ao servizo da narración".

Javier de  Isusi estudou arquitectura nas escolas de San Sebastián e Lisboa. Acabada a carreira, probou brevemente a profesión e emprendeu unha viaxe na que percorreu durante un ano boa parte de Latinoamérica. Ao volver desa viaxe decidiu dedicarse ao que sempre quixo facer: contar historias en viñetas.

Entre as súas obras está a tetraloxía Los viajes de Juan Sin Tierra (La pipa de Marcos, La isla de Nunca jamás, Río Loco e En la tierra de los Sin Tierra), La partida del soldado, Ometepe, He visto ballenas, Asylum...

PREMIO NACIONAL POESÍA JOVEN "MIGUEL HERNÁNDEZA", 2020

O xurado decidiu premiar este 2020 a Alba Cid pola súa obra Atlas.

Alba Cid é poeta e investigadora en poesía contemporánea. Participou en volumes como Poética da casa (2006) e na antoloxía de Apiario No seu despregar (2016). Publica textos de creación e recensións en revistas como Grial, Luzes, Tempos Novos e Dorna, e é colaboradora de Radio Galega.

Actualmente está a cargo do Centro John Rutherford de Estudos Galegos da Universidade de Oxford.

CLUB LECTURA

PREMIOS PLANETA DE NOVELA, 2020

Eva García Sáenz de Urturi con "Aquitania" e Sandra Barneda con "Un océano para llegar a ti", son a gañadora e finalista do LXIX Premio Planeta.

"Aquitania" é un "un thriller medieval" que homenaxea a 'El nombre de la rosa'. Relata a historia do home máis rico e respectado de toda a cristiandade, o duque de Aquitania, que, tras ser capturado nunha peregrinación, é torturado ata a morte. A súa filla, que herdará o Ducado, tratará de vingar a morte do seu pai e cambiar ao Rey de Francia.

"Un océano para chegar a ti" conta unha historia de reconciliación que fala das perdas e de todos os mortos. Ambientada nun pobo da Serra de Gredos, ten a Gabriel como protagonista e en 49 días cambia o concepto que ten do seu pai.

Libros que fan de Eva García Sáenz de Urturi unha das autoras máis lidas

Obras de Sandra Barneda

DÍA DAS ESCRITORAS

 

Aínda que dous días despois, este mural de Pedro Cifuentes recorda a algunha muller de letras.

PREMIO NACIONAL DE POESÍA, 2020

A poeta Olga Novo Presa vén de ser recoñecida co Premio Nacional de Poesía 2020, que outorga o Ministerio de Cultura pola obra Feliz Idade.

Poeta, filóloga e profesora de Ensino Secundario en Monforte, ademais de numerosas colaboracións en revistas e antoloxías, publicou os títulos A teta sobre o sol (1996), Nós nus (1997), A cousa vermella (2004) e Cráter (2011) .Como ensaísta, é autora, entre outros, dos volumes O lume vital de Claudio Rodríguez Fer (1999, 2008) e Uxío Novoneyra. Lingua loaira (2005).

   

PREMIO NACIONAL DE LITERATURA INFANTIL Y JUVENIL, 2020

A escritora Elia Barceló foi galardoada co Premio Nacional de Literatura Infantil e Xuvenil 2020 por El efecto Frankenstein. Obra coa que Barceló homenaxea a obra de Mary Shelley.

É unha das escritoras de ciencia ficción máis destacadas da literatura en español, e na súa ampla obra tamén cultivou a narrativa xuvenil, de terror, o  thriller ou a novela histórica. Publicou máis dunha vintena de obras, entre novelas, ensaios e relatos, entre as que cabe destacar: Consecuencias naturales (1994), El vuelo del Hipogrifo (2002), El secreto del orfebre (2003), Las largas sombras (2009), Hijos de Atlantis (2013), La maga y otros cuentos crueles (2015), El color del silencio (2017) y El eco de la piel (2019)

DÍA DAS ESCRITORAS

Desde as bibliotecas escolares queremos que se visibilice a obra das escritoras galegas, para o que ofrecemos unha recompilación de fragmentos de escritoras galegas.

DÍA DAS ESCRITORAS

Este 19 de outubro celebramos o Día das Escritoras, promovido pola Biblioteca Nacional de España (BNE), a Federación Española de Mujeres Directivas, Ejecutivas, Profesionales y Empresarias (FEDEPE) e a Asociación Clásicas y Modernas (CyM). Como en edicións anteriores, a data elexida é o luns máis cercano á festividade de Teresa de Jesús, o 15 de outubro. 
O día creouse para lembrar ás escritoras do ámbito hispánico e hispanoamericano e as dificultades que tiveron para desenvolver e ver recoñecido o seu labor. Este ano o tema é "Rebeldes e transgresoras".
Con este vídeo, realizado por Quelibroleo, recordamos a algunha delas.

Tamén serve como homenaxe o traballo realizado en cursos pasados por Noelia Díaz e Gonzalo Rodríguez sobre "Las sinsombrero".

DÍA DAS BIBLIOTECAS

O Día da Biblioteca celébrase cada 24 de outubro  desde o ano 1997. Este día naceu por iniciativa da Asociación Española de Amigos do Libro Infantil e Xuvenil co obxectivo de concienciar á sociedade da importancia da lectura e como homenaxe e recoñecemento ao labor dos bibliotecarios/ as.

CONTOS E MÁIS CONTOS

 Extraordinaria colección a que nos ofrece este Drive. Hai moito que ler, entra e elixe. 

AVISO

Suspensión clases ESO

Nova suspensión

CALENDARIO DO LIBRO E DA LECTURA 2020

A Secretaría Xeral de Cultura presentou o novo calendario 2020 coas datas máis salientables arredor do libro e a lectura.

 

BEGA-ELBE.2

ELBE.2 é unha plataforma de lectura dixital na biblioteca escolar, que nos permite ler en dispositivos móbiles (instalando a APP Bega-elbe2) ou no ordenador persoal.
Para acceder precisamos unha conta de usuario cunha chave de acceso que nos facilitan dende a biblioteca. Se a esqueces pídea alí de novo.

PREMIO NOBEL DE LITERATURA, 2020

A estadounidense Louise Glück é a gañadora do Nobel de Literatura 2020. Este premio vén coroar unha longa e recoñecida traxectoria, que comezou a finais da década dos sesenta coa publicación, en 1968, do seu primeiro libro, " First  born", que foi recoñecido co  Academy  of  American  Poet' s  Prize. Desde entón, publicou doce coleccións de poesía, todas elas caracterizadas pola procura de claridade. A infancia e a vida familiar, a estreita relación entre pais e fillos, e entre irmáns, son os temas centrais da súa obra.

É unha das figuras máis relevantes da poesía contemporánea norteamericana, con títulos tan importantes como " Ararat", "Averno", "El iris salvaje", "Las siete edades", "Praderas", "Una vida de pueblo" o "Vita nova", todos eles publicados en España pola editorial  Pre-Textos.

PREMIO NACIONAL ILUSTRACIÓN, 2020

A ilustradora catalá Sonia Pulido foi galardoada hoxe co Premio Nacional de Ilustración pola súa "ampla traxectoria a nivel nacional e internacional e pola súa versatilidade, que abarca case todas as áreas da ilustración: novela gráfica, ilustración editorial e publicidade".

Son frecuentes as súas colaboracións nos principais xornais e revistas nacionais e internacionais como El País, El País Semanal, Harper' s Baazar Spain, Rockdelux, Marie Claire, The New York Times, The Wall Street Journal...

No campo da ilustración editorial, a catalá é autora de máis dunha quincena de libros ilustrados, portadas, campañas de publicidade, e novelas gráficas.

De maneira paralela tamén realizou exposicións en galerías especializadas de todo o mundo.

 

PARA OS PAIS

Comezamos un curso "distinto” que trae numerosos cambios no funcionamento do centro e, por suposto, tamén na biblioteca.

A través destas vías iremos compartindo con vós novidades, imaxes, información... sobre a biblioteca, sobre o centro e sobre os seus fillos.

BlogThis!

POR UNHA BIBLIOTECA SEGURA