26 de feb. de 2022

ENTROIDO 2022

E, por fin, xa puidemos gozar do excelente traballo de Extraescolares, Educación Física, Música e Plástica, coa colaboración de todos os demais.
Non contamos coa capitana, Elena, á que botamos moito de menos (sabemos que ela a nós aínda máis); pero coa organización "en diferido" da nosa mestra de cerimonias, vivimos o día sen sobresaltos.
Sabemos que ela intentou chegar, pero a montura non axudaba.

Nesta montaxe, que preparou, resumimos a xornada.

Se queredes ver máis, picade nas imaxes e ligazóns para entrar nas respectivas galerías:
  • A da decoración, na que merece unha mención especial o magnífico "Museo da máscara en miniatura" feito por Tania co seu alumnado de Plástica. 
  • As fotos.
Os foraxidos primeiro, que non os hai que perder de vista.
Houbo, ademais, tres premios aos mellores disfraces e estes foron os gañadores:


25 de feb. de 2022

PREPARÁNDONOS

 Unha sorte contar cunha impresora 3D. Xa temos estrela de sherif para o entroido.

E non foi a única produción; houbo figuras xeométricas, notas musicais, construcións...

24 de feb. de 2022

23 de feb. de 2022

RAP E IGUALDADE

Ao longo de seis sesións de traballo, o alumnado de 3º utilizou o rap para concienciar sobre a igualdade. Neste taller foron asesorados por especialistas en produción musical e en igualdade de xénero.
O taller estivo organizado polo concello da Cañiza  e o Departamento de Música, dentro das  actividades do proxecto "VIOLETAS", proxecto para promoción da igualdade e a prevención da violencia de xénero.
Pica na foto para ver a galería.








GAÑADORES CONCURSO CALIGRAMAS

NURIA RGUEZ SOALLEIRO, 4C

ALBA RAÑA RGUEZ, 4A

21 de feb. de 2022

DÍA DE ROSALÍA EN ITI

Tamén o alumnado de 2º A, de ITI, se lanzou aos caligramas; aínda que non todos coa mesma fortuna.

Hecho con Padlet

19 de feb. de 2022

DÍA DE ROSALÍA

Coa colaboración de Dinamización Lingüística, Extraescolares, Programa "Donas de si", Biblioteca e Departamento de Lingua Galega, elaboramos esta montaxe na que lle poñemos voz a un breve poema de Rosalía empregando as linguas que conviven no cole.
A edición foi cousa de dous exalumnos, Rives e Darío. Grazas polo voso traballo.

18 de feb. de 2022

11 F, DÍA DA NENA E A MULLER NA CIENCIA

O 11F, profesores e alumnos do CPI, capitaneados por Clemen (Tecnoloxía) e Tere (Lingua Castelá), recordaron na radio a vida de mulleres científicas que fixeron a nosa vida máis doada.
Aquí podemos escoitar a montaxe final.
En breve presentaremos un cuestionario e un concurso sobre o programa. Ata haberá agasallos.

DÍA DE ROSALÍA

En música tamén celebran o día con esta interpretación de Negra sombra.

CONCURSO DE CALIGRAMAS, DÍA ROSALÍA

16 de feb. de 2022

ENTROIDO

A voltas co entroido, xa podemos ver algunha pista sobre o tema elixido polos profes. Pica na imaxe para ver a galería.


13 de feb. de 2022

V CONCURSO DE MICRORRELATOS

A asociación PuntoGal e a RAG organizan conxuntamente un concurso de microrrelatos que ten como obxectivo reforzar a presenza da lingua e da identidade propias no mundo dixital.
Infórmate das bases.

11 de feb. de 2022

11 F, DÍA DA NENA E A MULLER NA CIENCIA

 Hoxe conmemoramos o día:

  • Cunha montaxe na entrada.
  • Coa visualización de curtas en 3º ESO B

  • Co macromural de 1º ESO A+B
  • Cos murais de 4º ESO

10 de feb. de 2022

11 F, DÍA DA NENA E A MULLER NA CIENCIA

Aquí algúns recursos que, para este día, crearon un grupo de científicas da Universidade de Sevilla.  Coa actividade “Científicas: Pasado, Presente y Futuro”, buscan incentivar vocacións científicas e visualizar o papel da muller na ciencia. En especial, queren achegar as nenas a este mundo, ofrecéndolles referentes nos que poidan sentirse reflectidas.

  • Cómic

  • “Pasapalabra”, con preguntas sobre logros de mulleres científicas.
  • Vídeo “5 científicas tienen 5 preguntas”

E non esquezades o calendario científico científico escolar da FECYT coa guía didáctica xa publicado.

4 de feb. de 2022

3 de feb. de 2022

PREPARANDO ENTROIDO E 8M

Empezamos a ver actividade!!! Estas son algunhas das tarefas que se están a desenvolver:

PARA O ENTROIDO:

Xa hai ensaios para os bailes que se han convertir nun clásico. Eva de EF con 1º e 2º, Ruta de Música con 3º e 4º.


    

PARA O 8M

  • O alumnado de 1º, 2º e 3º da ESO buscou citas célebres de mulleres que fixeron historia co fin de elaborar un mural no que estarán representadas todas as linguas impartidas no centro.
  • Ademais, algúns estudantes de diferentes cursos están demostrando os seus dotes artísticos para poder presentarse ao "V Concurso de Carteis do 8 de marzo. Día Internacional da Muller".




23 DE FEBREIRO, DÍA DE ROSALÍA


Nun traballo conxunto de Biblioteca, Lingua Galega, Dinamización Lingüística e Extraescolares propoñemos para celebrar o día un concurso de caligramas.

DÍA DE ROSALÍA, CAMBIO DE DATA

 

O Día de Rosalía de Castro pasará a celebrarse o 23 de febreiro, auténtica data de nacemento da poeta.

A Xunta de Galicia e as institucións vencelladas á autora deciden cambiar a efeméride tras a aparición de nova documentación que desvela a súa data real.

SAN VALENTÍN

No 14 de febreiro, moito amor para todos con recomendacións lectoras e recursos.

2 de feb. de 2022

DÍA DA PAZ EN ITI

O alumnado de ITI de 2º A tamén creou un decálogo para vivir en paz. Algo tarde, pero aquí o temos.