30 de xan. de 2022

DÍA DA PAZ

Como en anos atrás, o venres 28 tivemos a nosa carreira solidaria con alumnado de 3º e profesorado. Aínda non sabemos a cantidade de alimentos conseguida, pero daremos conta no seu momento.
Se picamos na imaxe vemos máis fotos na galería.

DÍA DA PAZ

 O alumnado de Eva, en Valores, celebra o día con este cartel.

26 de xan. de 2022

25 de xan. de 2022

CONCURSO RECITADO POÉTICO "ROSALÍA SEMPRE VIVA"

Aínda estamos a tempo de participar (os centros participantes deberán facer a súa preinscrición antes do 3 de febreiro de 2022). Pica na imaxe para ver as bases.

PROBAS ACCESO CICLOS GRADO MEDIO, 2022

Xa na aula virtual todo aquilo que vos poida interesar sobre o tema. E xa sabedes, ante calquera dúbida o Dpto de Orientación está aí para vós.
Se pinchades na imaxe podedes acceder á aula virtual na que tamén podedes entrar como convidados.


PARA RESERVA DE PRAZA NO IES

 
Pincha na imaxe e terás o documento

24 de xan. de 2022

30 XANEIRO, DÍA DA ILUSTRACIÓN 2022

Paula Mayor é a autora do cartel deste ano.
Cada 30 de xaneiro, coincidindo co día do nacemento de Castelao, celébrase o Día da Ilustración. Esta iniciativa da Consellería de Cultura, Educación e Universidade en colaboración coa Asociación de Profesionais da Ilustración serve para reivindicar o papel dos profesionais do mundo da ilustración homenaxeando a un ilustrador ou ilustradora histórico galego. Este ano a protagonista é Reimundo Patiño pintor, gravador e autor de BD. "Pioneiro da arte contemporánea galega."

23 de xan. de 2022

AS TANXUGUEIRAS NAS AULAS

"Veñen para quedar", en honra á canción 'Terra' do trío galego, é o nome da proposta didáctica de Cándido Paniagua, profesor do IES Elviña da Coruña e que, en poucos días, xa se fixo eco en toda a comunidade educativa de Galicia.

Aproveitando, tamén temos unha unidade didáctica de Figa, da que descoñecemos autoría.

E, como non pode faltar o baile, aquí a proposta da monitora Araceli Losada e as súas alumnas de zumba. Un vídeo caseiro que se viralizou de xeito sorprendente. 

22 de xan. de 2022

CONCURSO CARTEIS 8M

Co gallo da celebración do 8M, a Xunta abre o prazo para participar no concurso de carteis que visibilicen a contribución das mulleres nos distintos ámbitos e promovan a reflexión sobre os estereotipos de xénero.
O contido do cartel deberá transmitir unha mensaxe positiva sobre a participación activa das mulleres na sociedade e promover a loita contra as desigualdades de xénero.
As bases poden consultarse aquí.
O prazo de presentación dos traballos remata o vindeiro 22 de febreiro.

CALENDARIO DO LIBRO E DA LECTURA, 2022

A Secretaría Xeral de Cultura presentou hoxe o calendario do libro e da lectura deste ano 2022 con novas incorporacións.

21 de xan. de 2022

V CERTAME: AS IMAXES DO PATRIMONIO

A Asociación Cultural e Pedagóxica Ponte...nas ondas! vén defendendo a recuperación e transmisión do patrimonio cultural inmaterial galego-portugués ás novas xeracións. O Patrimonio Cultural Inmaterial é o conxunto das expresións herdadas do pasado presentes nas vivencias das persoas que se encargaban de transmitilas ás seguintes xeracións.

As fotografías deberán conter imaxes de calquera aspecto relacionado co Patrimonio Cultural Inmaterial e estar tomadas en datas anteriores a 1970.

As bases aquí.

26 XANEIRO, DÍA MUNDIAL DA EDUCACIÓN AMBIENTAL


Este día busca sensibilizar ás persoas sobre a delgada liña que existe entre o desenvolvemento humano e a conservación do planeta.
En Profes por el futuro podemos atopar numerosos recursos para visibilizalo.

12 de xan. de 2022

EGO GALEGO, PRESUMINDO DE EXALUMNAS

Que sexa unha exalumna a autora deste vídeo é altamente satisfactorio, pero que defenda o noso, aínda é máis.
Claudia, es unha BRAVA. E aquí estamos orgullosos de ter compartido clase contigo.

30 DE XANEIRO, DÍA DA PAZ

Ilustración de David Guirao
O vindeiro 30 de Xaneiro celebramos o día escolar pola paz, no aniversario da morte de Gandhi (30 de Xaneiro de 1948).
Aproveitaremos a data para fomentar a cultura da paz con seleccións bibliográficas para Primaria e Secundaria, marcapáxinas co préstamo, proxeccións...
E este pode ser un bo punto de partida que nos faga reflexionar.

11 de xan. de 2022

LIBROS GRATUÍTOS DE XEITO LEGAL

 

Nestas webs podemos descargar, de forma legal, libros gratuítos de dominio público:

CALENDARIO CIENTÍFICO, 2022

E un novo calendario para descargar, o científico escolar da FECYT (Fundación Española para la Ciencia y la Tecnología).
O calendario acompáñase dunha guía didáctica con orientacións para o seu aproveitamento educativo transversal nas aulas.
Para descargalo, pinchade na imaxe.

7 de xan. de 2022

A IMPORTANCIA DA PRIVACIDADE

Extrema os coidados e ollo co que publicas nas redes. Non te deixes enganar polas aparencias; detrás dun perfil social, pode esconderse calquera. Descobre máis.