31 de dec. de 2022
24 de dec. de 2022
FELICITACIÓNS, 2022
Aproveitamos para felicitar a toda a comunidade educativa, o vídeo que Elena elaborou coa interpretación de Ruta cos seus alumnos.
23 de dec. de 2022
NADAL 2022
Despedimos trimestre e celebramos o Nadal con ganas; podedes vernos aquí.
Picade na imaxe para ver máis.
16 de dec. de 2022
15 de dec. de 2022
14 de dec. de 2022
13 de dec. de 2022
12 de dec. de 2022
9 de dec. de 2022
LIBROS QUE BUSCAN LECTORES, 2022
Como cada ano, nestas datas, chegan as nosas recomendacións. Se pasades o rato por riba da imaxes hai máis información.
Boas lecturas!!!!
GUÍA LECTURA NADAL 2022 de MEPP
7 de dec. de 2022
PORTA BIBLIOTECA
Xa temos gañadora. Agora só queda realizar o proxecto con éxito.
Os autores son: Jéssica Fernandes, Leire Campo, Óscar Guerrero e Miguel Estévez; todos de 3º ESO A.
5 de dec. de 2022
2 de dec. de 2022
1 de dec. de 2022
30 de nov. de 2022
29 de nov. de 2022
28 de nov. de 2022
DÍA DA DISCAPACIDADE
O alumnado de 1º de Educación Plástica, con Ángel, creou este simbólico e reivindicativo mural para a ocasión.
 |
| Dous dos alumnos que colaboraron na montaxe. |
25 de nov. de 2022
CONCURSO 25N
Dende as titorías estiveron traballando na creación de slogans e xa temos unha primeira selección.
De entre estas, en breve, sairán an gañadoras, que recibirán un agasallo.
Coas gañadoras e coas máis votadas, a concellalía de igualdade do concello fará unha intervención final que agardamos vos guste.
24 de nov. de 2022
25N, 2022
Hoxe, quedou montado, no vestíbulo de Secundaria, o posto informativo que o Concello da Cañiza nos prepara para recordar a data. Grazas por contar con nós!
Mañá, durante o recreo, poderedes acceder a folletos explicativos, chapas, bolígrafos e pulseiras conmemorativas.
Esterémosvos agardando.
Pica na foto para ver máis.
22 de nov. de 2022
8 de nov. de 2022
MAGOSTO, 2022
Estabamos preocupados polo tempo, pero deixounos facer o magosto na data prevista.
Tivemos xogos tradicionais, festa holi e, por suposto, castañas.
Mirade, mirade, algún está irrecoñecible.
5 de nov. de 2022
XA ESTÁN AÍ... A PARTICIPAR!!!
Os departamentos de Extraescolares, Dinamización Lingúística, Educación Fïsica e Orientación non paran.
- Extraescolares, Dinamización e Educación Física planificando o magosto, se non chove...
- Orientación pensando no 25N.
4 de nov. de 2022
NOVEMBRO, XIII DÍA DA CIENCIA EN GALEGO
MATERIAIS
- Recompilación de materiais de ciencia en galego.
- Folleto informativo: mes da ciencia en galego nas bibliotecas.
- Pinterest ciencia en galego.
Os homenaxeados son Evariste Galois e Ángeles Alvariño González.
Évariste Galois cambiou as matemáticas, pero tamén a Arte, a Física, a Química, a Xeoloxía inventando o concepto de grupo e aínda o de grupo de Simetría.
En canto a Ángeles Alvariño , ferrolá, deu nome ao buque oceanográfico español e fai coa súa vida en Galicia e EE.UU. unha busca polos novos coñecementos oceanográficos e novas especies mariñas. Primeira científica en traballar en barcos de exploración españois e británicos.
29 de out. de 2022
SAMAÍN, 2022
Este vídeo é só un aperitivo da celebración de hoxe. Se picades na galería veredes moito máis: a decoración do centro, a entrega de premios aos gañadores do concurso de relatos terroríficos, a visita dos compañeiros de Primaria, o túnel do terror... un día cheo de suspense e diversión.
Grazas a todos, especialmente a Elena, por colaborar e facelo posible.
25 de out. de 2022
PREMIO NACIONAL NARRATIVA, 2022
Marilar Aleixandre foi galardoada co Premio Nacional de Narrativa 2022 pola súa obra As malas mulleres.
O xurado escolleu As malas mulleres de Marilar Aleixandre pola súa «orixinal estrutura híbrida que a converte nunha singular novela histórica sobre a situación carcelaria das mulleres no século XIX, cun admirable dominio do diálogo e da linguaxe», recolle na súa acta.
Bióloga, catedrática da Universidade de Santiago de Compostela e feminista convencida, Marilar Aleixandre conta cunha recoñecida traxectoria literaria en lingua galega. Autora do primeiro libro de ciencias en galego, é narradora, poeta e ensaísta, ademais de catedrática de número e membro da directiva da Real Academia Galega.
O seu primeiro relato foi un conto de vampiros que sentaría a base de "Esperando aos morcegos", transformado logo na peza infantil "A formiga coxa". Despois viñeron "A expedición do Pacífico" (Premio da Crítica de Galicia 1995), "A banda sen futuro" (Premio Lazarillo de novela xuvenil en 1999), "Lobos nas illas", "A Cabeza de Medusa" e "O Coitelo en Novembro"... Entre os seus poemarios, "Catálogo de velenos" e "Desescribindo".
SAMAÍN, 2022
"EMOCIÓNATE" NO CPI DA CAÑIZA
Dentro das actividades desenvolvidas con motivo do 90 aniversario da chegada da radio a Galicia, a asociación "Ondiñas de Radio" e a emisora SI RADIO organizaron unha exposición de radios antigas e gravaron un «Emociónate Especial CPI da Cañiza» dende a biblioteca.
Un programa cheo de música, entrevistas, debates, informacións locais e de interese xeral... e as voces dos fogares sobre experiencias radiofónicas.
Agardamos á súa emisión.
24 de out. de 2022
24 OUTUBRO, DÍA DAS BIBLIOTECAS
Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.
Para celebrar o día, participa no concurso que vos propuxemos aquí.
19 de out. de 2022
POLOS CREATIVOS EN MARCHA!
O alumnado de 4º da ESO visitou o CIFP A Granxa de Ponteareas, alí recibiron unha charla sobre a oferta formativa do centro e fixeron un percorrido polas instalacións, onde viron os invernadoiros e os sistemas de agricultura hidropónica.
18 de out. de 2022
16 de out. de 2022
ABUR ,CONCHI!!!
Este venres despedimos a unha compañeira que levaba 22 anos con nós; moitos deles formando parte deste equipo de biblioteca.
E fixémolo como se merecía, por todo o alto. Ata nos acompañaron exalumnos que hoxe están no IES!!!
Grazas, compañeira e amiga, por tantos anos compartidos e por todo o que aprendemos de ti.
Os seus alumnos crearon en Plástica, con Ángel, este mural. Se picamos na imaxe iremos á galería.
PREMIO PLANETA DE NOVELA, 2022
Luz Gabás foi a gañadora do premio Planeta, cunha novela titulada "Lejos de Luisiana". Cristina Campos foi finalista con "Historias de mujeres casadas".
"Lejos de Luisiana" é unha historia histórica -tres das catro novelas que publicou Gabás son históricas- que se desenvolve no século XVIII durante o período no que este territorio pertenceu a España. Conta a historia de amor entre un indio e unha colona. Trátase dunha novela coral, na que os personaxes se ven maltratados por acontecementos que acabarían cambiando o mundo.
"Historias de mujeres casadas" é tamén unha historia de amor, neste caso contemporáneo e, como indica o seu título, é sobre todo unha historia de mulleres. Campos explicou que o seu libro comeza con tres mulleres da súa idade que se coñecen nun ambiente laboral. "Iso axúdame a diseccionar a historia dos seus matrimonios, pero tamén a intimidade e o desexo feminino", dixo. Unha delas coñece a un home na rúa e o que comeza como un xogo acaba converténdose en algo que cambia a súa vida.
PREMIO NACIONAL DE CÓMIC, 2022
Paco Xordo foi galardoado co Premio Nacional de Cómic, pola súa obra ‘El pacto’; na que, segundo o xurado, destaca un guión orixinal e trepidante que supón unha auténtica homenaxe ao cómic español.
Francisco Sordo Artaraz é historietista, deseñador gráfico, animador e ilustrador. Traballou para Nickelodeon, Ogilvy, Rovio, ING Direct, Vodafone ou Movistar como animador e deseñador.
No campo da historieta é coñecido pola súa serie Internet, modo de emprego publicada entre 2010 e 2014 na revista ‘El Jueves’ e as súas colaboracións para a revista dixital ‘Orgullo y satisfacción’ coa serie Tebeos Basura.
Traballa ademais ilustrando cómics e libros infantís tanto en España como no mercado francófono.
10 de out. de 2022
DÍA ESCRITORAS EN 1º A
Neste grupo xa traballaron, coa profe Conchi, con resultados que xa podemos ver na biblioteca.
DÍA DAS ESCRITORAS
Celébrase este ano 2022 baixo o lema "Antes, durante e despois das guerras". Carmen Domingo, a comisaria desta edición, fai unha selección de textos que “é unha homenaxe ao papel fundamental que cumpriron en situacións de conflito bélico e axuda a reflexionar e contemplar con outros ollos unha situación de sufrimento, pero tamén de xenerosidade e compromiso”.
Desde as bibliotecas escolares queremos que se visibilice tamén a obra das nosas escritoras, para o que ofrecemos unha recompilación de fragmentos de escritoras galegas.
Subscribirse a:
Publicacións (Atom)