BOLETÍN FAMILIAS

 

ABALARMÓBIL PARA AS FAMILIAS

A Xunta de Galicia, coa finalidade de aumentar o acercamento entre o profesorado e as familias, puxo en marcha "AbalarMóbil".

Trátase dunha aplicación que permite ás familias:

• Acceder aos datos persoais.
• Consultar as cualificacións.
• Consultar e xustificar as faltas de asistencia.
• Consultar as faltas de conduta.
• Solicitar ou cancelar unha cita de titoría.
• Consultar avisos ou notificacións por parte do profesorado ou do centro educativo.

Pódese instalar tanto no teléfono móbil como nunha tablet dende Apple store (se o sistema operativo é IOS) ou dende Play Store (se o sistema operativo é Android). 

Para acceder aos datos do alumno/a é necesario que o número de teléfono dende o que se usa a aplicación estea rexistrado no seu expediente do XADE (deberán preguntar no centro se non están seguros).

Vídeo titorial

Toda a información está na web "espazoAbalar".

Guía tamén en pdf

CALENDARIO ESCOLAR 2022-2023

Xa á vosa disposición os calendarios escolares do curso, o anual ou os mensuais, coas festas do noso Concello.

IMOS!!!

 

Preparados?????

DEICA!!!!

FESTA DE GRADUACIÓN

FESTIVAL FIN DE CURSO E GRADUACIÓN 21-22

Comeza a ser un clásico despedir o curso coa festa do alumnado de 4º que, nun proceso natural, marcha do centro para iniciar un camiño novo.

Pero non só tivemos graduación, houbo tamén o festival de música, baile, entrega de agasallos de concursos e a despedida dalgún profesor.

Se picades nas fotos podedes entrar nas dúas galerías que organizamos do evento.

ANUARIOS DE 4º

Traemos aquí unha interesante actividade que o alumnado de 4º realizou en Lingua Inglesa. Trátase duns mini anuarios inspirados nos que fan en EEUU cando se gradúan no instiuto. Inclúen fotos do alumnado tanto individuais como en grupo, unhas frases que se dedican entre eles e tamén algunhas anécdotas e lembranzas (redactadas en inglés) da súa etapa educativa na ESO.

Picade debaixo da imaxe para entrar no de cada grupo.

4º A - 4º B - 4º C

VIDEOXOGO

O profe Breixo, de Primaria, estivo traballando durante este curso na creación dun videoxogo sobre o noso colexio e aquí vos deixamos o resultado final. Está dispoñible tanto para ordenador coma para dispositivos Android (esperamos poder telo en IOS en breve). Neste xogo teredes que ir buscando obxectos e moedas que vos darán os diferentes mestras e mestres para activar a panca que hai na porta de entrada. Esperamos que vos guste e vos divirtades moito con el.

Para acceder a el só tedes que CLICAR NA IMAXE.

Aquí atoparedes 3 carpetas: Android, Mac e Windows.

Para xogar no móbil ou tablet Android, só tedes que descargar e instalar o arquivo APK que aparece. Antes, en axustes do teléfono, debedes permitir a instalación de arquivos externos. (BREVE TITORIAL)

Para xogar no ordenador, descargades a versión de Windows e buscades un arquivo que se chama “GAME”. Non hai que instalar nada, só abrilo e listo!

Parabéns profe Breixo polo traballo!!!

DESPEDIDA DA RADIO

Lucía, Zaira, Érika e Noa de 3ºB e Iria de 3ºA fálannos de moitos dos asuntos que lles preocupan.

Contamos con elas para un equipo de radio no curso que vén!!! E agardamos que contaxien a outros.

GAÑADORES CONCURSOS

Premios do Dpto de Lingua Castelá ao mellor bookface do día do libro.

• 1º PREMIO: Jairo Domínguez Pereira, 2C
• 2º PREMIO: Mauro Piña Novoa, 2A

Premio da biblioteca no concurso da exposición polo día do libro.

• Estela Sendín Rguez, 2A

Premio da biblioteca ao máis lector

• Estela Sendín Rguez, 2A
• Claudia Simón Glez, 2A
• Daniel Giráldez Machado, 1D

ILUSTRANDO O RELATO

PICA NA IMAXE PARA ENTRAR NA GALERÍA

Dentro do Plan Proxecta Donas de si, os alumnos de 3º ESO asistiron a unha sesión organizada por Polo Correo do Vento. Nesta actividade, un relator achegounos de forma amena á biografía de Rosalía de Castro e, ao mesmo tempo, unha ilustradora realizou un debuxo sobre esta autora.

A continuación, houbo un pequeno debate en que se reflexionou sobre a conveniencia da homenaxe do Día das Letras Galegas a autores/as que levan 10 anos falecidos en lugar de realizar esta celebración en vida. Tamén se comentou a escasa visibilidade que tiveron ata o momento as mulleres nesa efeméride.

O debuxo resultante desta actividade está colgado nun dos corredores do centro.

PANTALLAS AMIGAS

Dentro do Plan Proxecta Donas de si, o alumnado de 2º e 3º ESO asistiu hoxe por videoconferencia a unha charla de Pantallas Amigas, unha asociación do País Vasco que naceu no 2004 co fin de concienciar sobre o uso responsable que se debe facer de Internet e das novas tecnoloxías. Entre outros conceptos, os alumnos/as tiveron ocasión para reflexionar sobre algúns conceptos como a sextorsión, a violencia de xénero e o grooming.

Pica na foto e entra na galería

BARALLA DA MULLER NO DEPORTE

 Xogo de cartas da muller no deporte e vida saudable

Os alumnos e alumnas de valores estiveron a crear uns naipes coas figuras dalgunhas mulleres que triunfaron no deporte. Investigaron diferentes biografías de mulleres en moi diversos deportes e nacionalidades, vendo dificultades que puideron ter na súa carreira deportiva, así como a teima que lles levou a superar as adversidades para conseguir os seus obxectivos rompendo barreiras, en moitos casos.

Logo déronlle ao coco para crear diferentes xogos con esta orixinal baralla e por suposto pasaron un bo rato comprobando que a súa creatividade deu un resultado moi entretido.

PICA NA IMAXE PARA VER A GALERÍA

8M

 Dende o departamento de inglés, cada un dos grupos de 3ºESO elaborou unha presentación en cartolina simulando un perfil de Instagram sobre mulleres inglesas e estadounidenses do pasado que destacaran na súa disciplina. O grupo de 3-ESO A encargouse de mulleres relacionadas con diversas disciplinas (deportistas, políticas, arqueólogas…); o grupo de 3ºESO B encargouse de mulleres escritoras en lingua inglesa; o grupo de 3º ESO C encargouse de mulleres relacionadas ca música. Cada estudante fixo unha presentación oral, empregando vídeos, diapositivas… subidos previamente á pizarra interactiva da aula virtual. As cartolinas foron expostas na aula durante un tempo para que os estudantes puideran ver máis detidamente a información e deixar algún comentario.

25N

Polo Día Internacional da Eliminación da Violencia contra as Mulleres (25N), desde o departamento de inglés, os estudantes de 2º e 3º da ESO gravaron en lingua inglesa, e outros idiomas, diferentes frases que reflectiran situacións cotiás nas que se exerce violencia contra as mulleres. As gravacións foron reproducidas o día propio pola megafonía do instituto e na radio local nunha programación especial.

CHARLA INFORMATIVA

AVISO DA ORGANIZACIÓN: por motivos alleos a nós, é necesario CAMBIAR A DATA DE CELEBRACIÓN DA CHARLA, polo que se pasará ao VENRES 10 DE XUÑO ás 18:00 horas no edifico de primaria do CPI A Cañiza. 

Grazas a tod@s e desculpen as molestias.

AUTORRETRATOS

En Plástica combinaron a técnica do clarescuro coa expresividade da liña e do punto nos fondos empregados.

Artistazos!!!

Entra na galería

AS MULLERES NA HISTORIA

O alumnado de 2º ESO C traballou o tema das mulleres na idade media. Analizaron o mundo das trobairitz, soldadeiras, escritoras, viaxeiras, raíñas e mulleres destacadas no campo da medicina.

Para entrar na galería pica na imaxe.

EXCURSIÓN CLUB DE LECTURA

 

ROTEIRO CON 3º DA ESO

As titoras de 3º da ESO (Tania V., Lucía S. e Tere), guiadas por Barba, percorreron un tramo do sendeiro das fragas e levadas do Calvo e Deva.

Peña de Francia, o Camiño da Raiña, a Igrexa, o Camiño de Difuntos, A Ponte... foron algúns dos puntos do percorrido.  

Serían uns 13 Km aos que o alumnado respondeu con boa forma física. Agardemos a velos mañá.

Se picades nas fogos entraredes na galería.

LETRAS GALEGAS, 2022

Florencio Delgado Gurriarán foi o autor elixido pola Real Academia Galega para dedicarlle o Día das Letras 2022.

E hai moitas maneiras de achegarse á súa figura, aquí só algunhas:

• Primavera das letras.
• Seminario Galán.
• O portal da lingua galega. Recolle numerosas actividades dinamizadoras dos centros.
• Consello da cultura galega.
• Aulas Galegas.
• Xogo de probas da fiestra da mestra.
• As Letras en Datos e Datas.
• Proxecto: "Semana das Letras Galegas" de Xosé Antón Vicente Rodríguez.
• Materiais do IES Sampaio.
• Liña do tempo.
• Presentación.
• Korgomofilalfabeto.
• O telexornal realizado polo Departamento de Lingua Galega do CPI dos Dices, Rois.

OS DE 2º DA ESO EN OSEIRA E CARBALLIÑO

Con Isabel de Historia e con Conchi e Antía de Lingua Galega, visitamos, hoxe venres o Mosteiro de Oseira e a Insua dos poetas no Carballiño; un parque temático cheo de esculturas dedicadas a escritores galegos (Xela Arias, Celso Emilio Ferreiro, Rosalía de Castro...).

Non só puidemos ver arte e literatura, senón tamén mostras da fermosura e importancia da nosa lingua.

Pica na foto para entrar na galería

APROVEITANDO A CONTORNA PARA APRENDER COS DE 1º DA ESO

Hoxe tocou en BIO aprezar a contorna e explorar con Cris e Tino, acompañados tamén por Esther e Gabriela. Un ambiente de aprendizaxe no que a natureza cobra protagonismo e, con ela, o respecto ao medio e o coñecemento do ecosistema no que estamos inmersos sen case decatarnos.

Pica para ver máis imaxes.

ESCRITORAS DA LITERATURA GALEGA ACTUAL

O alumnado de 4º, con  Conchi, celebra as Letras Galegas destacando a grandes creadoras do momento.

CONCURSO LITERARIO CONCELLO DA CAÑIZA

QUEN SE ANIMA?????

INNOVANDO CON MANUEL

Durante a Xornada de hoxe tivo lugar unha exhibición dos Polos creativos en Santiago. A ela acudiron 9 alumnos de Primaria co profe Manuel para amosar o seu horto.

Estamos orgullosos!!!!!!!!!!!

Pica nas fotos para entrar na galería e ver máis fotos e vídeos.

CAMPIONATO AUTONÓMICO DE ORIENTACIÓN

O 29 de marzo, o alumnado de 2º, 3º e 4º da ESO participara no campionato provincial de orientación deportiva, con resultados moi positivos que os clasificou para o campionato autonómico en Santiago.

E o 23 de abril, aquí estiveron tamén con novos éxitos. Grazas por participar deixando o pavillón tan alto.

PARABÉNS A  ALUMNOS E PROFES!!!!

OBRADOIRO DE MÚSICA

Este venres 22, o alumnado de 3º e 4º da ESO participou nun taller de música impartido pola profesora de canto Diana Tarín.

Nos vídeos recollemos á profesora interpretando "Aleluya" de Leonard Cohen e ao alumnado dándoo todo con "Oh happy day".

O DÍA DO LIBRO EN PLÁSTICA

O alumnado de 1º de ESO, en Plástica, tamén quixo recordar a data con estes carteis colaborativos, nos que fixeron ilustracións con eslóganes animando á lectura.

11 F, DÍA DA NENA E A MULLER NA CIENCIA, 2022

Para incorporar no programa Donas de si e conmemorando o día Internacional das Nenas e as Tecnoloxías da Información e a Comunicación, o alumnado de 4º da ESO na materia de TIC fixo unhas infografías, a continuación algúns exemplos.

Pica na imaxe para ver máis.

PROBAS ACCESO FP

 

Pica na imaxe para ver a información sobre as probas de acceso a grao medio.

EXPOSICIÓN DÍA DO LIBRO 2022, "QUEN É? QUE LE?"

Montada xa, no vestíbulo, a exposición deste curso, que repite e adapta a do pasado dada a boa acollida.

Hai incluso un marcapáxinas de agasallo na biblioteca e un cuestionario para visitala.

Se adiviñas profesor+libro e o entregas na biblioteca antes do 31 de maio, entrarás no sorteo dun agasallo.

BOOKFACE POLO DÍA DO LIBRO

O 10 remataba o prazo para presentarse ao concurso dos bookface que o Dpto de Lingua Castelá organizaba polo día do libro. E non temos queixa coa participación.

Á espera de decidir gañadores, podedes ver aquí a produción.

Se queredes descargar a vosa foto, podedes facelo aquí.

CELANOVA, 2022

O xoves 7, os Departamentos de Música e Lingua Galega organizaron unha visita a Celanova co alumnado de 4º da ESO.

O día deu para moito, visitaron o mosteiro de San Salvador e a capela mozárabe de San Miguel, a casa dos poetas, a bilblioteca do IES e, en Vilanova dos Infantes, a torre da homenaxe e a cova de San Vivián. Puideron gozar, ademais, dun concerto didáctico de órgano dirixido pola organista Marisol Mendive.

Resulta tan completa a visita que acabaremos institucionalizándoa. Entrade na galería picando na imaxe.

BECAS MEC

Pica na imaxe para que funcionen os enlaces.

PRIMAVERA XOVE 2022

Damos difusión ao programa Primavera Xove 2022 da Dirección Xeral de Xuventude, Participación e Voluntariado da Consellería de Política Social da Xunta de Galicia.

Este progrma inclúe estancias de Semana Santa e fins de semana en albergues xuvenís para mozos e mozas de 14 a 17 anos.