ENTROIDO, 2024. A VOLTA AO MUNDO

Os profes estamos dispostos, e vós?

ENTROIDO, 2024

PAZ, 2024

Xa comezamos a ver os resultados das titorías traballando pola paz.

Aquí, o noso canón particular que revela os resultados de calquera guerra.

 

POESÍA EN SON DA ESO

NO TEATRO

Hoxe martes, o alumnado de 4º foi a Ponteareas a ver esta obra na que se fai homenaxe a Carlos “O Xestal”, humorista, músico e figura clave da tradición popular galega.

A función foi unha emocionante viaxe pola cultura e tradición galegas, honrando a memoria dun dos seus máis queridos artistas.

ORGULLOSOS DO NOSO

Hoxe, da man de Dinamización Lca e do Dpto de Lingua Galega, visitounos Orgullo Galego para falarlle ao alumnado de 4º da presenza da nosa lingua nas redes.

Agardamos repetir!!!

EDUREFERENTES

Tivemos a fortuna de estar entre os 20 centros galegos que desenvolvemos EduReferentes. Un programa que parte da Asociación de Executivas de Galicia e busca dar visibilidade á figura da muller a nivel profesional. Para isto, visitan os coles mulleres que poden ser consideradas "referentes" dentro das súas profesións.

Hoxe, nunha primeira fase, tivemos:

• Un seminario para todo o alumnado de 4 ESO, impartido por África González Fernández (catedrática de Inmunoloxía na UVigo) e Carmen Sampayo David (decana do Colexio  de Economistas).
• Un obradoiro para 25 alumnos de 4 ESO, impartido por Susana Pérez Crespo.

E quedan pendentes as mentorías individualizadas nas que as persoas mentoras compartirán a súa experiencia e coñecementos, apoiando ao alumnado na busca das súas fortalezas, habilidades e intereses.

DÍA DA PAZ, 2024

30 DE XANEIRO, DÍA DA PAZ

Ilustración de David Guirao

O vindeiro 30 de Xaneiro celebramos o día escolar pola paz, no aniversario da morte de Gandhi (30 de Xaneiro de 1948).

Aproveitaremos a data para fomentar a cultura da paz con murais con creacións do noso alumnado, seleccións bibliográficas, marcapáxinas co préstamo, proxeccións...
E este pode ser un bo punto de partida que nos faga reflexionar.

Para máis recursos entrade aquí

CALENDARIO DO LIBRO E DA LECTURA, 2024

PALABRA DO ANO, 2023

A Fundación do Español Urxente (FundéuRAE), promovida pola Real Academia Española e a Axencia EFE, escolleu POLARIZACIÓN como a súa palabra do ano 2023.

O termo polarización impúxose ao resto das candidatas debido á súa gran presenza nos medios de comunicación e á evolución de significado que experimentou. Nos últimos anos estendeuse o uso desta voz, que está recollida desde 1884 no dicionario académico, para aludir a situacións nas que hai dúas opinións ou actividades moi definidas e distanciadas (en referencia aos polos), en ocasións coas ideas implícitas de crispación e confrontación.

A NOSA PALABRA DO ANO, 2023

Nos últimos meses, a inventiva para sensibilizar sobre o problema dos ciberataques e outros delitos informáticos, creou un neoloxismo de rexistro coloquial que tira do humor para gañar eficacia neste desafío: CIBERCARRACHO, -A!

E esta é a voz elixida como Palabra do Ano 2023.

CALENDARIO 2024

Xa temos o calendario ortográfico de Don Pardino. A ver se se nos pega algo!!!