8M, 2025

Coa nosa camiseta, personalizada coa creación de Elisabeth Alonso Alonso, de 3ºA, celebraremos o día.

RECURSOS PARA ESTE DÍA

ENTROIDO 2025

E chegou o día.

GALERÍA

O NOSO MUSEO

 En Secundaria, traballadores e alumnado crean unha exposición ben particular.

A entroidar!!!!!

Galería

LINGUA VITAL XA!

A plataforma Queremos Galego, apoiada por máis de 600 colectivos, convocou para o domingo 23, no día de Rosalía, unha marcha para esixir medidas urxentes en defensa do galego.

Dende esta biblioteca tamén nos sumamos a esa mobilización social.

ORGULLO GALEGO

Convidados por Dinamización Lingüística, os de Orgullo Galego visitáronnos para  transmitir, ao alumnado de 4º da ESO, o valor da nosa lingua, cultura, historia e tradicións. Neste caso, ao estar tan preto, o tema foi o Entroido.

GALERÍA

ENTROIDO 2025

Galería

DÍA DE ROSALÍA, 2025

A profe Mercedes Orbaneja é a creadora deste recurso. Conta tamén con materiais para imprimir.

DÍA DE ROSALÍA, 2025

O Día de Rosalía de Castro pasou a celebrarse o 23 de febreiro, auténtica data de nacemento da poeta.

A Xunta de Galicia e as institucións vencelladas á autora deciden cambiar a efeméride tras a aparición de nova documentación que desvela a súa data real.

RECURSOS PARA CONMEMORAR O DÍA AQUÍ

SAN VALENTÍN

Realizado no 2022 polo alumnado da que, naquel momento,
era a profesora de Plástica, Tania

No 14 de febreiro, moito amor para todos con recomendacións lectoras e recursos.

PROFESOR E NOVELISTA

Que farías se, de repente, unha serie de catástrofes naturais botan abaixo o mundo tal e como o coñecemos? 

Marco e mais a súa familia afrontarán unha fugaz fuxida, cara ás montañas do Courel, na procura de acubillo. Esta carreira conduciraos a un lugar completamente insospeitable. O novo escenario que se abre ante eles amosaralles unha realidade diametralmente distinta á que coñecen, e fará que se enfronten a misterios que, ata agora, agardaban ocultos nas profundidades...

Temos a sorte de contar co seu autor, Guillelme Denís Castillo, como compañeiro. Pedide o libro na biblio, estavos agardando.

PROGRAMA DE PREVENCIÓN DE CONDUTAS ADITIVAS

DÍA INTERNACIONAL DA MULLER E A NENA NA CIENCIA

Para o 11F, os departamentos de Ciencias programamos a película Madame Curie e, ao traballar a UD sobre a peli, reflexionaremos sobre o papel das mulleres no mundo da Ciencia.

Cos xogos de Polos Creativos, tamén podemos coñecer científicas que fixeron historia.

ENTROIDO, 2025

Repostería Póster de MEPP

ENTROIDO, 2025

Xa empezou a decoración. Alumnos de 1º e 3º deixan a súa pegada.

Galería

CLUB DE CÓMIC

Non sei se sabedes que, xunto co club de lectura, temos un club de cómic, ben activo todos os recreos da semana, na aula de Plástica con Ángel.

Empezamos a ver as súas producións.

QUERES UNHA?

Este ano, para o 8M, teremos a nosa camiseta personalizada. En fondo branco ou negro, levará a creación gañadora no 25N; a da alumna Elisabeth Alonso Alonso, de 3ºA.

Vestirémola todos cando celebremos o día.

Se queres a túa, só tes que solicitarlla aos titores antes do 7 de febreiro. O prezo, que dependerá do número de camisetas encargadas, non será maior de 8,00 €.

Animádevos!!!!

Simulación

CARREIRA SOLIDARIA, 2025

Adiada polo clima, celebramos hoxe, día 31, a carreira solidaria para conmemorar o día da paz.

Con ela realizamos, tamén, unha recollida de alimentos no centro.

DÍA DA PAZ, 2025

Ademais do traballo en titorías, vivimos o día cantando no patio "Solo le pido a dios".

MÁIS...

MAPA INTERACTIVO HISTÓRICO

oldmapsonline.org

DÍA DA PAZ, 2025

mapa dos conflitos armados cos que empeza 2025 de Biblio Caniza

30 DE XANEIRO, DÍA DA PAZ

Ilustración de David Guirao

O vindeiro 30 de Xaneiro celebramos o día escolar pola paz, no aniversario da morte de Gandhi (30 de Xaneiro de 1948).

Aproveitaremos a data para fomentar a cultura da paz con murais con creacións do noso alumnado, seleccións bibliográficas, marcapáxinas co préstamo, proxeccións...
E este pode ser un bo punto de partida que nos faga reflexionar.

Para máis recursos entrade aquí

2025, ANO CASTELAO

A Xunta declara ‘Ano Castelao’ o 2025 con motivo de da celebración do 75 aniversario do seu pasamento.

Así se decidiu no Consello da Xunta, celebrado o 27 de decembro, onde se aprobou a declaración institucional, na que se erixe a Daniel Alfonso Rodríguez Castelao como “un dos persoeiros máis coñecidos e recoñecidos por todos os galegos e galegas” que é capaz de “convocar sempre e unir a todos”. Por iso, ponse en valor que o pobo galego lle teña outorgado “a máxima estima e o teña escollido como un dos seus símbolos”.

No lateral dereito deste blog, premendo na imaxe institucional do Ano Castelao 2025, levaranos a unha páxina na que iremos cargando contidos e recursos para enxalzar as importantes achegas do intelectual galeguista, tanto no eido da política como no da cultura.

ORTOGRAFÍA

Don Pardino axúdanos coa carta ás súas Maxestades.