LIBROS DO MES DE NOVEMBRO

                 1º e 2º de ESO             3º e 4º de ESO

       

DÍA DA CIENCIA EN GALEGO

Hoxe, 4 de novembro, celebramos o IV Día da Ciencia en Galego dedicado a dúas temáticas (arte e ciencia, e estatística) e a tres persoeiros (Isaac Díaz Pardo, Florence Nightingale e Richard Buckminster Fuller).

Para conmemoralo, os centros do Campus de Lugo organizan un programa de actividades que, novamente, queren demostrar as posibilidades que ofrece a lingua galega para a actividade académica, a ciencia e o emprendemento.

PREMIO NACIONAL DE CÓMIC 2013

Miguelanxo Prado (A Coruña, 1958) foi galardonado co Premio Nacional de Cómic 2013 pola obra Ardalén, un cómic sobre o papel da memoria nas nosas vidas e na nosa identidade.

O xurado destacou de Ardalén "o carácter poético da obra, que mestura a realidade co soño, a memoria e o olvido, e a mestría técnica no uso da cor".

 

Podemos coñecer un avance da obra aquí.

PREMIO PRÍNCIPE DE ASTURIAS DAS LETRAS 2013

Antonio Muñoz Molina, escritor e académico é un dos grandes novelistas en lingua castelá, un intelectual comprometido e un observador crítico.

Os seus primeiros escritos foron artigos xornalísticos que recolleu en El Robinsón urbano. Na súa primeira novela, Beatus ille xa aparece a súa cidade imaxinaria, Máxina, que se convertirá nun lugar común nas súas obras sucesivas. El invierno en Lisboa mereceu o Premio da Crítica e o Nacional de Narrativa, que volveu recibir no 1992 por El jinete polaco (Premio Planeta, 1991).

A obra de Muñoz Molina móvese nos territorios da memoria tratando de reconstruír a recente historia de España coa mirada do que se sinte deudor do cine negro e a novela policíaca.

PREMIO NACIONAL DE NARRATIVA 2013

José María Merino obtén con El río del Edén o Premio Nacional de Narrativa, concedido polo Ministerio de Cultura, Educación e Deporte. O premio, dotado con 20.000 €, recoñece a mellor obra de narrativa publicada en España neste ano.

O xurado destaca que "na obra o autor adopta unha segunda voz autorreflexiva para dar vida a un microcosmos familiar, que xira en torno a un neno con minusvalidez e ás crises que a súa aparición provoca na vida familiar. Constitúe unha obra tecnicamente arriscada como ben resolta, que vai adquirindo tensión a medida que avanza o relato e os problemas cruciais da cal, como o dereito a unha morte digna, se atopan perfectamente expostos".

DRAGAL NO PROXECTO INTERDISCIPLINAR

Unha estraña presenza estamos a notar no colexio; realidade e fantasía conxúganse nun universo particular que encerra numerosos segredos.

Serán os alumnos de 1º? Chegaría con eles a comezo do curso? Acompañaraos durante todo o ano? Terán algo que ver Luz de Galego, Carme, Pablo, Xabier ou Laura de Plástica?

Desvelemos o segredo. Durante este curso, o Proxecto Interdisciplinar de 1º da ESO estará protagonizado por Dragal I - A herdanza, de Elena Gallego.

E xa observamos o seu impacto: dragóns no vestíbulo, pegadas nas aulas, labaradas... e conforme avance o curso todo irá a máis. Chegaremos a queimarnos?

Pero non somos os únicos! O universo estase a "dragalizar" e a obra salta ao cinema, ao cómic e aos videoxogos. A fínais deste ano as novelas gráficas chegarán ás librarías, en 2014 poderemos ver o filme e en 2015 Dragal será un videoxogo.

E témololo na biblioteca! Non quedes sen el!

E CHEGA O CLÁSICO...

RAE - RAG

OS CLUBES DE LECTURA

Este será o noso quinto ano co club de lectura, pero non está de máis revisar alguns aspectos que nos axudarán a levalo adiante.

Nesta presentación que atopamos no blog Medrando entre andeis podemos coñecer as ideas fundamentais de Dime, de Aidan Chambers, unha obra básica para abordar un Club de lectura con garantías de éxito.

GÚSTANOS O GALEGO DE PRIMEIRA

Aos xogadores do Celta gústalles o galego de primeira! E a nós tamén. Míraos.

Se iso é así, os carnés, as taquillas, as informacións do club... tamén serán en galego, non si?

NOVA TEMPORADA DO CLUB DE LECTURA

PREMIO CASTELAO DE BANDA DESEÑADA

Catálogo oneroso de beleza gratuíta de Fran Bueno acaba de facerse co Premio Castelao de Banda Deseñada.

     

Neste traballo, o autor ofrece unha lista das cousas que lle gustan na vida, en forma de catálogo. Fala de cousas como o sol, a lúa e as estrelas, elementos que non hai que pagar por eles e que, moitas veces, paga a pena pararse e admiralos.

LIBROS DO MES DE OUTUBRO

               1º e 2º de ESO             3º e 4º ESO

Descargar preguntas:

• Enid y el secreto del acantilado.
• Cartas de inverno.