RECOMENDAMOS

O MUNDO DÓESE DE PARÍS

Máis dun centenar de mortos e decenas de feridos nunha cadea de atentados en París.

Horas despois, unha onda de mostras de agarimo e apoio estendeuse por todo o mundo. Edificios, públicos e privados, de todos os recunchos do planeta, tinguíronse coas cores da bandeira francesa, e nas redes sociais acumuláronse viñetas con mostras de empatía.

Do artista francés Jean Jullien 

Do arxentino Nick

 Da xornalista Clementine Sarlat 

PREMIO CERVANTES 2015

O escritor mexicano Fernando del Paso foi galardoado co Premio Cervantes 2015. Cúmprese así, de novo, a lei non escrita que reparte alternativamente o galardón entre Latinoamérica e España, despois de que en 2014 recaese no escritor español Juan Goytisolo.

Del Paso é un home polifacético: escritor, debuxante, pintor, diplomático e académico, publicou poesía, teatro, contos, ensaios... e, sobre todo, tres novelas que xa están consideradas como fundamentais na narrativa iberoamericana do século XX: "José Trigo", "Palinuro de México" e "Noticias del Imperio".

Entre as súas últimas producións están: a novela "Linda 67. Historia de un crimen", o poemario "PoeMar" e o ensaio "Viaje alrededor del Quijote".

   

VIDEOCONFERENCIA PARA 3º ESO

Con motivo da celebración do VI Día da Ciencia en Galego, a Coordinadora Galega de ENDL organiza o mércores 4 de novembro, de 12:30 a 13:30 horas, unha videoconferencia vía web, na que o investigador galego, Xurxo Mariño Alfonso, achegará temáticas de interese científico.

CLUB DE LECTURA

Os distingos grupos do club de lectura comezan a actividade.

Se queredes estar informados, seguídeos no seu blog: http://muchachadalectora.blogspot.com.es/

4 DE NOVEMBRO, DÍA DA CIENCIA EN GALEGO

Materiais de ciencia en galego aquí ou no noso blog.

A BIBLIOTECA

A Biblioteca, de Jason  LaMotte, conta a historia de Emily, unha nena de 13 anos, que comeza a recibir notas dun admirador secreto na biblioteca á que acode cada día.

Estas notas diríxena a vellos libros románticos que están nos estantes da biblioteca.

Quen será o autor desas notas? Será algún dos rapaces cos que comparte espazo?

The Library from Jason LaMotte on Vimeo.

Vía Universo Abierto

PREMIO PRINCESA DE ASTURIAS DAS LETRAS, 2015

Aínda que dende xuño coñecemos o premiado no ámbito das letras, o cubano Leonardo Padura, será o 23 de outubro cando teña lugar a cerimonia de entrega dos Premios Príncipe de Asturias 2015.

Actualmente é considerado pola crítica internacional entre os novelistas máis importantes da narrativa da illa, xa que é un dos creadores da nova novela detectivesca, na que o policial é só un pretexto para falar da sociedade cubana e facer un exame de conciencia da súa xeración.

ALGÚN TRUCO QUE PODE AXUDAR

PREMIO PLANETA DE NOVELA, 2015

Alicia Giménez Bartlett, con Hombres desnudos e Daniel Sánchez Arévalo con La isla de Alice resultaron ser a gañadora e o finalista do Premio Planeta de novela que, como cada ano, se falla a noite do 15 de outubro.

NOBEL DE LITERATURA, 2015

A escritora bielorrusa Svetlana Alexiévich é a gañadora do Premio Nobel de Literatura 2015.

Escritora e xornalista, retratou en lingua rusa a realidade e o drama de gran parte da poboación da antiga URSS, así como dos sufrimentos de Chernóbil, a guerra de Afganistán e os conflitos do presente en obras como La guerra no tiene rostro de mujer, Los chicos de zinc ou Voces de Chernóbil. 

PREMIO NACIONAL DE LITERATURA INFANTIL E XUVENIL, 2015

A escritora Ledicia Costas gañou o Premio Nacional de Literatura Infantil e Xuvenil coa súa novela "Escarlatina, a cociñeira defunta", unha obra "extraordinaria, humorística e rompedora".

A novela narra as aventuras de Román, un mozo de 10 anos que quere ser chef. O día dos seus aniversarios recibe unha caixa misteriosa en forma de cadaleito. Dentro desa caixa está Escarlatina, unha cociñeira falecida no século XIX que lle axudará a cumprir o seu soño.