PREMIO PLANETA DE NOVELA, 2016

Dolores Redondo con "Todo esto te daré", ambientada na Ribeira Sacra ourensá, e Marcos Chicot con "El asesinato de Sócrates", centrada na antiga Grecia, resultaron ser a gañadora e o finalista do Premio Planeta de novela que, como cada ano, se falla a noite do 15 de outubro.

CONCURSO, DÍA DA BIBLIOTECA

A Consellería de Cultura, Educación e Ordenación Universitaria no Calendario do Libro e da Lectura 2016, sinala o 24 de outubro como o día das bibliotecas.

E nós queremos celebralo co concurso "Historia dos expedientes secretos" que iremos desenvolvendo durante varias semanas.

COMEZAMOS

Á volta das vacacións de verán, o equipo responsable da biblioteca recibiu unha nota do Comité Superior de Temas Anormais (C.O.S.T.A.), na que se cursaba a orde de elaborar un dossier de información, imprescindible para un dos roubos máis complicados que está investigando. 

Estamos ante un problema moi serio, alguén está en apuros e por iso precisamos a vosa axuda.

Por diante tedes cinco expedientes que debedes resolver. Iranse colgando semanalmente nas portas e no blog da biblioteca.

¡Ánimo!

SEMANA DO 17 DE OUTUBRO: Expediente 1

O primeiro paso será coñecer o espazo onde se levará a cabo a resolución das probas e o tipo de materiais que se poden utilizar.

A vosa misión será a seguinte: situar no plano o nome das distintas seccións onde están colocados os materiais. 

(Pedide a ficha na biblioteca ou descargádea aquí. Entregádea unha vez cuberta)

NOBEL DE LITERATURA, 2016

O cantante e escritor Bob Dylan gañou o Premio Nobel de Literatura de 2016 "por crear novas expresións poéticas dentro da gran tradición americana da canción".

Ademais de cancións, no ano 2004 Dylan publicou unha primeira parte das súas memorias (Crónicas, volume 1) que chegou a ser todo un bestseller. Tamén publicou traballos experimentais como Tarántula (1971) e unha recompilación dos seus escritos e debuxos en 1973.
Toda unha lenda da música, as letras das súas cancións foron continuamente publicadas en libros baixo o título de Lyrics

É autor de temas de fama mundial como Like a Rolling Stone ou Knockin' on Heaven's Door, pero quizá a súa creación máis universal é Blowin' in the Wind.

BOLETÍN FAMILIAS

GUÍAS BIBLIOTECA

Se queredes recordar as normas da biblioteca, xa tedes as guías actualizadas na páxina que corresponde ou picando aquí.

PREMIO NACIONAL DE ILUSTRACIÓN, 2016

Xa en xullo coñecemos o galardoado co Premio Nacional de Ilustración 2016, Javier Sáez Castán, que recibe o galardón "pola súa capacidade para construír mundos e pola calidade das súas obras, grandes clásicos contemporáneos".

Obras súas como ilustrador e autor son Animalario universal do profesor Revillod, Picopelosplumas e o home paxaro, Pom...Pom...Pompibol!, Os tres ourizos ou O armario chinés.
Entre os libros que só ilustrou están Contos de Hoffman (Editorial Anaya), Contos para nenos, de Isaac Bashevis Singer (Editorial Anaya), A pequena cerillera e outros contos (Editorial Anaya), O valente soldado de chumbo (Editorial Anaya) e As viaxes de Gulliver (Editorial Sexto Piso).

A LOMCE ENTRA EN VIGOR EN TODOS OS CURSOS

Vía: La Voz de Galicia

BOOKTUBERS

Un booktuber, a través dos seus vídeos, comparte a súa afección e paixón pola lectura con críticas e opinións sobre libros nunha linguaxe amena e informal.
Así, coa suma de lectura, tecnoloxía, medios sociais e creatividade o resultado é o seguinte:

• El coleccionista de Mundos: 168.891 subscritores. Con algún comentario en galego que recolle en "O rocho das ideas"

• Javier Ruescas: 136.347 subscritores.

• Fly like a butterfly: 122.827 subscritores.

• Andreo Rowling: 86.805 subscritores.

BIBLIOTECA ESCOLAR, TERRITORIO DAS ARTES

Este é o lema deste curso 2016-17 para os materiais que a Consellería de CEOU edita para a Biblioteca escolar.

Con el buscan que nos acheguemos aos produtos artísticos, pero tamén que nos expresemos a través das múltiples posibilidades: música, pintura, danza, literatura, fotografía...

Nesta ocasión foi Minia Regos a creadora que o interpreta.

FAMILIAS E PROFESORADO... SOMOS UN EQUIPO

Empecemos forte, pero xuntos.

Vía Gestionando hijos

CERVANTES CHICO, 2016

A escritora Ana Alcolea foi a gañadora da última edición do Premio Cervantes Chico, un recoñecemento que outorga o concello de Alcalá de Henares para distinguir a un escritor ou escritora de lingua castelá cuxa traxectoria creadora destacase no campo da literatura infantil e xuvenil.

Para a súa designación téñense en conta, ademais dos seus méritos literarios, criterios como a popularidade e a utilización da obra do escritor como recurso educativo e didáctico.

XA

E coas pilas moooooi cargadas.

Preparados?