DÍA MUNDIAL DA ALIMENTACIÓN

Dende o 1979 a Organización das Nacións Unidas para a Agricultura e a Alimentación (FAO) proclama o 16 de outubro como o día mundial da alimentación, coa finalidade de concienciar aos pobos do mundo sobre o problema alimentario mundial e fortalecer a solidariedade na loita contra a fame, a desnutrición e a pobreza.

Libro de actividades 2018

Folleto 2018

PREMIO PLANETA DE NOVELA, 2018

Santiago Posteguillo  con "Yo, Julia" e Ayanta Barilli con Un mar violeta oscuro, gañador e finalista do LXVII Premio Planeta 2018.

Santiago  Posteguillo, autor da triloxía de Trajano e a triloxía  Africanus, entre outras, é filólogo e  lingüista e actualmente é profesor da  Universitat Jaume I de Castelló. Na novela premiada, a protagonista, de humildes orixes, manobrará hábilmente para conseguir os seus obxectivos. A historia está narrada a través de cinco personaxes, cunha multiplicidade de caracteres de gran costura psicolóxica.

Ayanta  Barilli, a finalista, é coñecida por ser a presentadora e a directora dos programas “ EsAmor” e “ EsSexo” que se emiten en  EsRadio. Tamén traballou como actriz en varias películas e obras de teatro. En canto ao mundo dos libros, participou nalgúns programas literarios dirixidos por Sánchez Dragó e traballou como crítica de libros e de obras de teatro.
Un mar violeta escuro é unha historia de loita, superación e supervivencia de tres xeracións de mulleres dunha mesma familia, ás que unha figura masculina aboca á tolemia.

SÍNDROME DE ASPERGER

Unha marabillosa película para entender como viven e senten as persoas con síndrome de Asperger.

Esta magnífica película conta unha conmovedora historia baseada en feitos reais dun corentón con Síndrome de Asperger e unha nena de 8 anos.

A Síndrome de Asperger é un trastorno catalogado por moitos dos que o sofren como unha simple forma de ser da que aínda queda moito por coñecer. Entre as desvantaxes principais deste trastorno de conduta atópanse as dificultades na interacción social, a comunicación e a expresión de sentimentos e a escasa empatía que os afectados sofren e como consecuencia diso, senten rexeitados, incomprendidos pola sociedade e, mesmo, sós. 

CERVANTES CHICO, 2018

O 11 de xullo de 2018 reuniuse o xurado do Premio Cervantes Chico e acordou outorgar este galardón na súa XXII edición a Mónica Rodríguez Suárez.

É licenciada en Ciencias Físicas, especializada en Enerxía Nuclear. En 1994 comezou a traballar no Centro de Investigacións  Ciemat do Ministerio de Ciencia e Innovación, onde compaxinaba o seu traballo coa escritura. En 2008, cando decide dedicarse de maneira total á literatura infantil e xuvenil; onde recibe varios galardóns.

POÉTICAS DIVERSAS NA BIBLIOTECA ESCOLAR

Este é o lema deste curso 2018-19 para os materiais que a Consellería de CEOU edita para a Biblioteca escolar.

Buscamos descubrir a poesía que nos rodea, apoiádonos nos recursos e nas posibilidades da biblioteca escolar.

Nesta ocasión foi Nuria Díaz a creadora que o interpreta.

PREMIO PRINCESA DE ASTURIAS DAS LETRAS, 2018

Coñecemos a premiada no ámbito das letras dende maio,  Frederique Audoin-Rouzeu, que publica baixo o seudónimo Fred Vargas, pero será na segunda quincena de outubro cando teña lugar a cerimonia de entrega dos Premios Princesa de Asturias 2018.

"Na súa obra narrativa destaca a orixinalidade das súas tramas, a ironía coa que describe aos seus personaxes, a profunda carga cultural e a desbordante imaxinación, que abre aos lector horizontes literarios inéditos", sinala o xurado.

Arqueóloga e historiadora de formación, publicou varios ensaios científicos co seu nome e, como Fred  Vargas, unha vintena de novelas de xénero negro das que doce están protagonizadas polo comisario  Adamsberg, a última delas Cuando sale la reclusa (2017).

DÍA DA BIBLIOTECA, 24 DE OUTUBRO

BOLETÍN FAMILIAS

PREMIO NACIONAL DE LITERATURA INFANTIL E XUVENIL, 2018

Juan Kruz Igerabide foi o escritor galardoado co Premio Nacional de Literatura Infantil e Xuvenil 2018 pola súa obra Abezedario titirijario (traducido ao castelán como Abecedario titiridario). O xurado decidiu premiar ao autor e a súa obra “pola mestría no uso dunha linguaxe poética que se nutre da aliteración, do humor, do absurdo, da fantasía e dos ecos da tradición oral vasca”.

A obra, escrita en euskera co título orixinal Abezedario titirijario. Letren txotxongiloa, xa foi traducida ao galego (Abecedario monicredario) e ao castelán (Abecedario titiridario).

O galardón concédeo o Ministerio de Cultura e Deporte para distinguir unha obra de autor español, escrita en calquera das linguas oficiais nacionais e editada no noso país durante o pasado ano 2017.

Kruz Igerabide é autor de literatura infantil e xuvenil, tradutor e poeta. En 1995 comezou a publicar poesía para público infantil, con obras como Haur korapiloak (Trabalinguas para nenos), Botoi bat bezala (Como un botón), Mintzo naiz isilik (Aos teus ollos a miña voz) ou Munduko ibaien poemak (Poemas para os ríos do mundo). Tamén escribiu poesía para mozos, como Kartapazioko poemak e Hosto gorri, hosto berde (Folla vermella, folla verde), e narrativa, como as novelas Helena eta arrastiria (Helena e o sol poñente) e Bosniara nahi (Volver a Bosnia). En narrativa infantil escribiu máis dunha vintena de contos, como a serie protagonizada por Jonas, que comezou con Jonas eta hozkailu beldurtia (Jonás e o frigorífico medroso).

    

  

PREMIO NACIONAL DE ILUSTRACIÓN, 2018

A ilustradora e debuxante catalá María  Rius  Camps foi galardoada co Premio Nacional de Ilustración 2018 "pola súa  extensísima traxectoria, pola atemporalidade da súa obra, polo carácter sereno da súa ilustración, sempre en diálogo co texto e, finalmente, pola súa implicación co colectivo de ilustradores".

Na súa extensa carreira "colaborou con diversas revistas infantís, cabeceiras de xornais e editoriais, destacando como defensora da difusión do libro infantil e deseñando xogos educativos e carteis". Así mesmo, "conta na súa bibliografía con máis de 370 títulos, algúns dos cales foron publicados nunha vintena de países, entre eles, Estados Unidos, Alemaña, Xapón e Israel, e as súas ilustracións percorreron diversas exposicións colectivas e individuais por todo o mundo".

NOBEL DE LITERATURA, 2018

Este ano, por primeira vez desde 1949, non se entregará o Nobel de Literatura. O escándalo de acoso e abusos sexuais, que destapou ademais unha serie de irregularidades na institución que elixe o prestixioso galardón, provocou a súa suspensión.

A Academia sueca anunciou, xa en maio, que pospoñería a decisión e a entrega do Nobel ata o ano que vén, ano no que entregarán dous galardóns.

A decisión non afecta aos outros premios Nobel, que entregan organismos distintos.
O Nobel de Literatura só quedou deserto en 1935 e non se deu en 1914, 1918, 1940, 1941, 1942 e 1943 debido ás dúas guerras mundiais. Ademais, pospúxose noutras sete ocasiones en busca dun "candidato axeitado", pero nestes casos (1915, 1919, 1925, 1926, 1927, 1936 e 1949) sempre terminou por darse, a maioría deles ao ano seguinte. 

CALENDARIO ESCOLAR 2018-2019

Xa temos os calendarios escolares para este curso.

Podemos descargar aquí o calendario anual ou os mensuais coas festas do noso Concello.

Elixide o que vos conveña.