GUÍAS BIBLIOTECA

Se queredes recordar as normas da biblioteca, xa tedes as guías actualizadas na páxina que corresponde ou picando aquí.

PREMIO NACIONAL DE ILUSTRACIÓN, 2016

Xa en xullo coñecemos o galardoado co Premio Nacional de Ilustración 2016, Javier Sáez Castán, que recibe o galardón "pola súa capacidade para construír mundos e pola calidade das súas obras, grandes clásicos contemporáneos".

Obras súas como ilustrador e autor son Animalario universal do profesor Revillod, Picopelosplumas e o home paxaro, Pom...Pom...Pompibol!, Os tres ourizos ou O armario chinés.
Entre os libros que só ilustrou están Contos de Hoffman (Editorial Anaya), Contos para nenos, de Isaac Bashevis Singer (Editorial Anaya), A pequena cerillera e outros contos (Editorial Anaya), O valente soldado de chumbo (Editorial Anaya) e As viaxes de Gulliver (Editorial Sexto Piso).

A LOMCE ENTRA EN VIGOR EN TODOS OS CURSOS

Vía: La Voz de Galicia

BOOKTUBERS

Un booktuber, a través dos seus vídeos, comparte a súa afección e paixón pola lectura con críticas e opinións sobre libros nunha linguaxe amena e informal.
Así, coa suma de lectura, tecnoloxía, medios sociais e creatividade o resultado é o seguinte:

• El coleccionista de Mundos: 168.891 subscritores. Con algún comentario en galego que recolle en "O rocho das ideas"

• Javier Ruescas: 136.347 subscritores.

• Fly like a butterfly: 122.827 subscritores.

• Andreo Rowling: 86.805 subscritores.

BIBLIOTECA ESCOLAR, TERRITORIO DAS ARTES

Este é o lema deste curso 2016-17 para os materiais que a Consellería de CEOU edita para a Biblioteca escolar.

Con el buscan que nos acheguemos aos produtos artísticos, pero tamén que nos expresemos a través das múltiples posibilidades: música, pintura, danza, literatura, fotografía...

Nesta ocasión foi Minia Regos a creadora que o interpreta.

FAMILIAS E PROFESORADO... SOMOS UN EQUIPO

Empecemos forte, pero xuntos.

Vía Gestionando hijos

CERVANTES CHICO, 2016

A escritora Ana Alcolea foi a gañadora da última edición do Premio Cervantes Chico, un recoñecemento que outorga o concello de Alcalá de Henares para distinguir a un escritor ou escritora de lingua castelá cuxa traxectoria creadora destacase no campo da literatura infantil e xuvenil.

Para a súa designación téñense en conta, ademais dos seus méritos literarios, criterios como a popularidade e a utilización da obra do escritor como recurso educativo e didáctico.

XA

E coas pilas moooooi cargadas.

Preparados? 

ATA MOI PRONTO

 

E a nosa recomendación é a de sempre. Moitas e boas lecturas.

1 SETEMBRO

Aquí están as datas dos exames de setembro que non debedes esquecer.

DESPEDIDA

Tamén o 21 fixemos festa coa axuda da xogoteca "A xoaniña"  e o karaoke en música.

DESPEDIDA, XUÑO 2016 on PhotoPeach

Os alumnos de 4º quixeron inmortalizar o momento da despedida e prometemos subir as fotos ao blog. Cumprimos.

FESTIVAL FIN DE CURSO ESO

FESTIVAL FIN DE CURSO 2016 on PhotoPeach

O luns 20, celebramos na Casa da cultura o fin de curso. O acto, presentado polos alumnos de 3º A, David e Isabel, contou coa participación dos alumnos de música e coa colaboración especial de Iván e Cris, da orquestra Nueva Imagen e do grupo Café Olé respectivamente.

O equipo de Dinamización lingüística aproveitou o momento para entregar os premios ao concurso de banda deseñada. Os galardoados foron:

• 1º premio: Nacho Domínguez, Alejandra Carballo e Brian Gómez de 1º C.
• 2º premio: Marcos Álvarez e Nacho Álvarez de 1º B.

 Aquí recollemos algunha das intervencións.