INSTAGRAM!

Temos unha novidade que queremos compartir con vós! O cole tamén está en Instagram! Un novo espazo para estar máis preto de toda a comunidade educativa, compartir o que facemos e mantervos ao día das novidades.

Anímate a seguirnos!

PREMIO NACIONAL DE LITERATURA INFANTIL E XUVENIL, 2026

Antonio Rubio e Carmen Queralt, Premio Nacional de Literatura Infantil e Xuvenil 2026 pola obra Divertimentos: juegos poéticos, publicada por Kalandraka.

Un libro que transforma a poesía nun xogo de palabras, rimas, trabalinguas, haikus e poemas visuais, enriquecido coas ilustracións cheas de dinamismo e imaxinación de Carmen Queralt.

PREMIO NACIONAL CÓMIC, 2026

O Premio Nacional do Cómic 2026 foi concedido á autora Irene Márquez pola súa obra La muerte de Irene Márquez, publicada por Autsaider Cómics. O galardón, outorgado polo Ministerio de Cultura e dotado con 30.000 euros, recoñece unha proposta creativa que destaca pola súa audacia, a súa personalidade artística e o seu particular sentido do humor.

O xurado destacou a orixinalidade estética da obra, o dominio do humor e a capacidade da autora para abordar unha realidade complexa desde unha perspectiva irreverente e inesperada. A través do humor negro, Irene Márquez transita entre o incómodo, o brutal e o cómico, convidando ás persoas lectoras a cuestionar os límites do humor contemporáneo.

PREMIO NACIONAL DE POESÍA, 2026

O escritor mallorquino Sebastià Alzamora recibe o Premio Nacional de Poesía 2026 pola súa obra Sala Augusta seguit de Llengua materna, un poemario que entrelaza a memoria histórica coa intimidade familiar.

A través dos seus versos, o autor reflexiona sobre a memoria, a historia e os vínculos familiares, combinando a denuncia e a emoción.

PREMIO NACIONAL DE ILUSTRACIÓN, 2026

O ilustrador Jesús Cisneros Laguna, nado en Zaragoza en 1969, recibe o Premio Nacional de Ilustración 2026 polo seu traballo expresivo e sensible, capaz de crear universos máxicos a través das imaxes.

Con máis de trinta libros publicados, a súa obra convida a mirar, imaxinar e descubrir novas formas de contar historias.

CLUB DE LECTURA

Atentos!

Os clubs de lectura están a piques de comezar a falar. Este ano coa novidade dun club de adultos. Preguntade se vos interesa.

ABALARMÓBIL PARA AS FAMILIAS

A Xunta de Galicia, coa finalidade de aumentar o acercamento entre o profesorado e as familias, puxo en marcha "AbalarMóbil".

Trátase dunha aplicación que permite ás familias:

• Acceder aos datos persoais.
• Consultar as cualificacións.
• Consultar e xustificar as faltas de asistencia.
• Consultar as faltas de conduta.
• Solicitar ou cancelar unha cita de titoría.
• Consultar avisos ou notificacións por parte do profesorado ou do centro educativo.

Pódese instalar tanto no teléfono móbil como nunha tablet dende Apple store (se o sistema operativo é IOS) ou dende Play Store (se o sistema operativo é Android). 

Para acceder aos datos do alumno/a é necesario que o número de teléfono dende o que se usa a aplicación estea rexistrado no seu expediente do XADE (deberán preguntar no centro se non están seguros).

Vídeo titorial

Toda a información está na web "espazoAbalar".

Guía tamén en pdf

PREMIO PRINCESA DE ASTURIAS DAS LETRAS, 2026

O escritor británico Julian Barnes foi galardoado co Premio Princesa de Asturias das Letras 2026 en recoñecemento á súa brillante traxectoria literaria e á orixinalidade dunha obra que combina narrativa, ensaio, humor e reflexión sobre a condición humana.

Nado en Leicester (Reino Unido) en 1946, Barnes está considerado unha das figuras máis destacadas da narrativa británica contemporánea. Ao longo da súa carreira, construíu unha obra diversa e innovadora, caracterizada pola ironía, a intelixencia narrativa e a reflexión sobre como lembramos e interpretamos o pasado.

Entre as súas obras máis recoñecidas destacan: El loro de Flaubert (1984), Inglaterra, Inglaterra (1998), Arthur & George (2005), El sentido de un final (2011), El ruido del tiempo (2016), Elizabeth Finch (2022), Despedidas (2026).

BIBLIOTECA ESCOLAR, DA INFORMACIÓN AO COÑECEMENTO

O lema para as bibliotecas escolares durante o curso 2026/27 convídanos a facernos preguntas e a buscar respostas, a ser persoas curiosas que busquen e que indagen, que seleccionen e traballen coa información para crear e compartir coñecemento.

Nestes tempos nos que a desinformación condiciona o noso rumbo, a biblioteca escolar ten a obriga de visibilizar o seu papel na formación de persoas críticas e de ofrecer á súa comunidade programas estables e sistematizados de alfabetización informacional.

 A imaxe é obra de Rena Ortega

PREMIO CERVANTES CHICO, 2026

A escritora Beatriz Giménez de Ory gaña a XXX edición do Premio Cervantes Chico, que recoñece a súa traxectoria na literatura infantil e xuvenil e o seu compromiso co fomento da lectura.

O recoñecemento iberoamericano foi para a escritora e ilustradora arxentina Isol Misenta.

AGARDANDO POR VÓS