LOGO NOS VEMOS!!!

Estamos de despedida e, coma sempre, desexámosvos un verán cheo de diversións e boas lecturas.

En setembro volvemos!!!

AVALIAMOS A HORA DE LER E O PROXECTO LECTOR

Durante o mes de maio, profesores e alumnos fixemos unhas enquisas na que se pedía avaliásemos a hora de ler e o Proxecto Lector.

E aquí están outros resultados en gráficas.

Conferencia de Vicente Feijoo sobre a Toponimia

De ríos e fontes, regatos e muíños, montes e pedras, vilas e aldeas, dos seus nomes, da súa relación eterna coas persoas que os nomearan en tempos remotos que por sorte algúns procuran non esquecer. Diso e moito máis versou a conferencia-coloquio que Vicente Feijoo Ares, responsable da Comisión de Onomástica-Toponimia da Real Academia Galega , impartiu no noso centro no marco das actividades relativas ao proxecto interdisciplinario sobre a novela galega Dragal.

 Vicente transmitiu a idea da toponimia como algo vivo, cotián, sempre presente nas nosas vidas, que, lonxe de estar afastado ou recluído en volumes antigos de escuras bibliotecas, podemos aínda escoitar na fala dos nosos pais e avós, outorgándolle así renovada vixencia ou no peor dos casos  tentando que non esmoreza ese vasto patrimonio cultural. Na súa charla, Vicente, ademais da abundante documentación achegada sobre a nosa zona (o proxecto coordinado por el, aínda incompleto, de preto de medio millón  de microtopónimos galegos non ten precedentes), conseguiu crear un agradábel clima de interacción cos alumnos, que participaron animadamente facendo preguntas e observacións.

Un escenario favorábel, vivo e apaixonante, que contrasta co escaso interese que as persoas encargadas de manexar os investimentos públicos en materia de cultura  semellan ter pola defensa da lingua e polos lugares que habitamos.

17 DE MAIO

DÍA DAS LETRAS GALEGAS 2014, XOSÉ MARÍA DÍAZ CASTRO

Para conmemorar o día presentamos as exposicións que difunde a Secretaría Xeral de Política Lingüística, nas que se fai un percorrido polos momentos máis significativos da biografía de Díaz Pardo.

Tamén recomendamos esta peza audiovisual dirixida por Xulio Xiz, é unha viaxe pola vida e a obra de Xosé María Díaz Castro que ten o valor engadido de facerse da man do propio poeta, co que visitamos os lugares onde transcorreron a súa infancia e mocidade e onde el mesmo nos recita os seus textos máis significativos. No documental tamén se fai referencia ao feito de que Díaz Castro chegase a dominar case todas as linguas de Europa, feito que pode poñerse en paralelo con esa escolla do idioma da súa infancia para a súa produción literaria máis significativa.

E ademais seleccionamos, xunto con Dinamización Lingüística, a seguinte compilación de recursos para celebrar o día:

• Historia do día das Letras
• Homenaxedos
• Xosé María Díaz Castro: Biografía e obra
• Materiais divulgativos da Secretaría Xeral de Política Lingüística

• Guía didáctica para a exposición de Primaria

• Guía didáctica para a exposición de Secundaria

•  Materiais do Seminario Galán
• Unidade didáctica para a ESO
• Outros.

• Pasapalabra do CEIP A Ponte de Lugo.

• Prezzi: Mª José Martínez Paz, alumna de 2º de Bacharelato do IES de Curtis, elaborou esta excelente presentación que, a través de fotografías e outras ilustracións, vai facendo un percorrido polos momentos máis representativos da biografía de Díaz Castro.

• Penélope: pequena curta que recrea o poema “Penélope” de Xosé María Díaz Castro mediante a mestura das voces do alumnado cunha moderna animación manga. Realizada polo IES As Barxas de Moaña.

LIBROS DO MES DE MAIO

 

En galego ou castelán e para todos os niveis.

NO SEU DÍA

Esta tamén é a nosa homenaxe ás nosas.

CELEBRAMOS O MES DO LIBRO ELABORANDO MARCAPÁXINAS

Entre as actividades que fixemos para celebrar o mes do libro en infantil e primaria destaca á de confección de marcapáxinas.
Nestas fotos podedes ver que chulos quedaron!

DÍA DA POESÍA

Aquí poderedes descubrir os recitados dese día:

20 MINUTOS, "HORA DE LER"

Nesta semana do libro, queremos celebrar a nosa "hora de ler" cun vídeo promocional que alumnos de 1º fixeron con Xabier (profesor de Lingua Galega e do equipo de biblioteca).

Dende o curso 2010-2011 e co obxectivo de crear ambientes lectores, empezamos con este tempo de vinte minutos diarios de lectura libre e silenciosa en horario lectivo.

Despois de tres anos, é unha actividade tan asumida e consolidada que xa nin nos cuestionamos, e que reporta uns beneficios incalculables na adquisición das competencias do noso alumnado.

OS 40 PRINCIPAIS EN GALEGO

En datas recentes, desde a Asesoría de bibliotecas escolares solicitáronnos aos centros PLAMBE a relación de títulos galegos que se incluían nos itinerarios lectores (é dicir, os libros de lectura recomendada desde os departamentos para o presente curso escolar).

Das respostas recibidas seleccionaron os "40 principais"; os 40 libros galegos que máis se repetían.

ABRIL, MES DOS LIBROS

Abril é o mes dos libros por dúas datas significativas:

• 2 de abril: Día Internacional do libro Infantil, data na que se lembra o nacemento de Hans Christian Andersen.
• 23 de abril: Día Internacional do Libro e os Dereitos de Autor. 

Coma en anos anteriores, Bibliotecas escolares agasállanos con este marcapáxinas con texto orixinal de Paco Martín. Pódese descargar aquí.

E nós celebrámolo con actividades que iremos desenvolvendo ata finais de maio:

• Aproveitando a "DRAGALIZACIÓN" que levaron a cabo os alumnos de 1º, realizaremos unha exposición sobre iteratura fantástica que se poderá ver no vestíbulo. Aquí a guía didáctica para a súa visita. 

• Concurso na biblioteca de ESO no que deberedes identificar os autores que se agochan tralas caricaturas. Tamén ofrecemos pistas para facelo. 

• Creación dunha historia para esta curta sobre libros e lectura.

• Visionado do programa "Días de cine" de TVE celebraron o día do libro do 2013 cunha reportaxe con escenas de películas nas que aparecen os libros e a lectura.

Día mundial del libro

• Adiviña quen son, (CEIP Andrade)

• Actividade LIM sobre Hans Christian Andersen, (CEIP Mestres Goldar)

• Webquest para 2º e 3º ciclo de Primaria, (Ceip Los Campanales)

• Procura do tesouro. (Ceip Condesa de Fenosa, O Barco)