A EXPOSICIÓN E OS SEUS AUTORES

A exposición "Persoas e inventos que cambiaron o mundo" foi realizada polo alumnado de 4º da ESO, dirixido polos Departamentos de Tecnoloxía, Ciencias e Matemáticas.

Aquí os podedes ver.

LIBROS DO MES DE MAIO

Descargar preguntas:

• 1º e 2º de ESO: O caderno de Ánxela.
• 3º e 4º de ESO: El otro barrio.

LETRAS GALEGAS 2015, XOSÉ FILGUEIRA VALVERDE

Xosé Filgueira Valverde foi o autor elixido pola Real Academia Galega para dedicarlle o Día das Letras 2015.

Unha elección controvertida, malia o seu traballo en campos como a historia ou a antropoloxía, debido á relación mantida coas institucións da dictadura franquista.

De calquera xeito, para coñecer o autor seleccionamos, xunto con Dinamización Lingüística, a seguinte compilación de recursos que nos ofrece a rede:

• As exposicións que difunde a Secretaría Xeral de Política Lingüística, nas que se fai un percorrido polos momentos máis significativos do autor. Contan coas guías respectivas, para Primaria e para Secundaria.

• Presentación en vídeo realizada polo Seminario Galán con instantáneas da biografía de Xosé Filgueira Valverde cedidas pola Real Academia Galega e a Fundación Filgueira Valverde.

• Unha liña de tempo realizada polo IES Sampaio de Tui.

• Materiais do Seminario Galán para Infantil e Primaria

• LIM elaborado no CEIP Plurilingüe A Magdalena das Pontes

• Test interactivo e pasa-palabra do EDLG do CEIP A Ponte de Lugo

• Pasatempos

• Brincaletras de Xosé Antón Vicente Rodríguez

AS BIBLIOTECAS ESCOLARES GALEGAS EN LEER.ES

O Centro virtual leer.es fai unha reseña da actividade das bibliotecas escolares galegas polo Día do Libro, e nós tamén estamos.

VOZ POPULI

Presentamos Voz Populi, o xornal dixital co que un equipo de alumnos, capitaneados por Xabier de Lingua Galega, participamos na XIV edición do programa El País de los Estudiantes.

Trátase da nosa primeira experiencia xornalística e, nestes momentos, o xurado está valorando todas as publicacións para seleccionar aos finalistas.

Valorarán o noso esforzo e seremos os elixidos?

LIBROS DO MES DE MAIO

1º e 2º ESO                    3º e 4º ESO

REPRESENTACIÓN TEATRAL NA RESIDENCIA DA TERCEIRA IDADE DA CAÑIZA

O venres 24 de abril, como actividade de remate da nosa participación na modalidade 3 do programa "Voluntariado de lectura - A", os alumnos participantes, rapaces e rapazas de sexto de primaria, representaron, na residencia da terceira idade "Santa Teresa" da Cañiza, a obra "Mais alá dos contos" adaptada e traducida da obra orixinal de Nicasi Camps i Pinós.

A obra foi representada en dous actos e no intermedio os alumnos cantaron a canción "Ho Hey" do grupo The Lumineers. Ao remate, rapaces mestres e ancianos acabaron bailando nun animado fin de festa no que os ancianos foron agasallados polos rapaces cun pequeno obsequio e os rapaces tamén recibiron un obsequio de parte da residencia.

    

O proceso foi coordinado pola encargada da biblioteca de infantil e primaria Nieves Torres Calvo. Os ensaios foron dirixidos polos mestres Nieves Torres Calvo, Soraya García Oroña, Eva Mª  López García, Francisco Javier Souto Lamas e Iria Bordas Vidal. 

A Canción "Ho Hey" foi preparada por Ana Mª Rodríguez-Hermida Montes, mestra de Música e Francisco Javier Souto Lamas, de Inglés. 

A dirección artística correu a cargo de Javier López Muñoz, mestre titor de 3º curso.

Queremos agradecer aos traballadores da residencia a súa dispoñibilidade, colaboración e amabilidade.

Moitas grazas a todos!

REMATANDO CO MES DOS LIBROS...

Non queríamos que rematara o mes dos libros sen facer mención ao alumnado que está a colaborar coa biblioteca do cole, son 15 alumnos de 6º que un ou dous días á semana renuncian voluntariamente ao seu recreo para vir axudar aos compañeiros e aos mestres.

Como vemos nas fotos, colaboran no servizo de préstamo, na búsqueda de libros, na organización, e colocación, e tamén informan e aconsellan aos mais pequenos sobre o funcionamento da biblioteca e a selección de libros mais axeitados para eles.

Son nenos altamente motivados na preparación das actividades que realizan e son eles mesmos os que se coordinan e aportan ideas para a mellora da biblioteca, como por exemplo na elaboración de carteis expositivos para as distintas conmemoración ou actividades referidas a lectura.  

A solidariedade co outro e o compromiso cas persoas do nosos entorno son valores moi importantes a desenvolver na nosa sociedade. 

A través de esta iniciativa apréciase de forma lúdica e motivadora a importancia da boa convivencia, o repeto ás persoas do entorno e a capacidade de axudar, compartir e ser responsable.

                                      Moitas grazas, rapaces!

PREMIO DOS CLUBS DE LECTURA 2015

Agustín Fernández Paz acaba de ser galardoado, polas Bibliotecas Escolares de Galicia, co Premio dos Clubs de Lectura 2015 ao autor máis lido nos clubs dos centros de ensino.

Establécese así o premio que, cada ano, se outorgará ao autor ou á autora de obra en galego que resultase seleccionado polo maior número de clubs de lectura no curso precedente.

Na VIII Xornada dos Clubs de Lectura, Agustín Fernández Paz recibirá a homenaxe do profesorado asistente e, por el representados, de todos os lectores e lectoras  participantes nos clubs de lectura dos centros de ensino secundario de Galicia.

HOXE

EXERCICIO FÍSICO NA INFANCIA

A crúa realidade indica que as actividades de ocio preferidas polos menores non lles requiren demasiado movemento (videoxogos, películas, televisión, ordenador...).

Por isto, os expertos recomendan inverter esta tendencia seguindo as recomendacións da pirámide, na que se reflicte que actividades son as máis axeitadas e con que frecuencia é conveniente levalas a cabo.

MAIS ALÁ DOS CONTOS

O alumnado de 6° de primaria representará o luns 20 de abril ás 10 e media na residencia Santa Teresa da terceira edade da Cañiza a obra de teatro "Mais alá dos contos"

Pinocho non se quere convertir nun neno de verdade. Blancaneves reivindica o seu amor polos mineiros (que non ananos) e pasa do príncipe. O príncipe da Bela durminte está farto dunha muller de hai cen anos. A leiteira, Barba azul... ninguén está satisfeito co seu destino.

¡Fantasía e Texto non dan feito para atender as queixas dos protagonistas!

¿Que está a pasar no mundo dos contos?

Este é o argumento da obra de teatro de Nicasi Camps i Pinós que escollemos como actividade para participar na convocatoria VOLUNTARIADO DE LECTURA A, modalidade 3 (fora do centro) integrada no programa HORA DE LER, Para fomento da lectura nos centros de ensino.

¡Esperamos que vos guste tanto como a nos!