BIBLOGCAÑIZA

10 xullo 2020

PREMIO CERVANTES CHICO, 2020

O pasado 6 de xullo o Xurado do Premio Cervantes Chico 2020 acordou outorgar o premio, na súa XXIV edición, a Care Santos, “motivado pola súa ampla e exitosa traxectoria literaria no mundo infantil e xuvenil.

A súa obra destaca pola orixinalidade das súas temáticas, o tratamento dos personaxes e a coidada arquitectura na estrutura dos seus relatos. Care Santos é ademais un referente no panorama literario xuvenil, ocupándose de fomentar e tamén recuperar lectores. Imparte talleres literarios e destaca o seu impresionante e incansable labor do fomento da lectura a través dun estreito contacto cos mozos a través de talleres e encontros literarios.

02 xullo 2020

SETEMBRO 2020

Os alumnos con materias suspensas terán que presentarse aos exames extraordinarios de setembro.

Se, chegado o momento, non se puidesen facer esas probas de maneira presencial, avaliarase con actividades que haberá que entregar o día do exame.

Esas actividades co plan de traballo deseñado para setembro poderanse atopar no Drive que xa empregabamos durante o período de confinamento.

Para as dúbidas contactade directamente cos profesores da materia, os correos seguen a estar na web do cole.

E ante calquera incidencia permanecede atentos ás comunicacións que aparecerán na web ou neste mesmo blog.

Bo verán a todos.

CALENDARIO SETEMBRO

19 xuño 2020

DESPEDIDA 2019-2020

Foi un ano longo que non imos esquecer por todo o que supuxo de novidade, de desafío, de solucións exprés... que esperamos nos teñan ensinado algo a todos.

E se o curso foi atípico, o peche non vai ser menos. Non teremos cerimonias de despedida, pero tampouco vos queremos deixar marchar sen máis, porque sodes a nosa promoción COVID.

Aquí o nosa recordo con moito afecto.